- Акъыл неден да кючлюдю.
- Кёпюр салгъан кеси ётер, уру къазгъан кеси кетер.
- Къонакъ аз олтурур, кёб сынар.
- Бети – къучакълар, джюреги – бычакълар.
- Сабий болмагъан джерде, мёлек болмаз.
- Халкъгъа джарагъан, джарлы къалмаз.
- Къызгъанчдан ычхыныр, мухардан ычхынмаз.
- Ышармагъан – кюлмез, кюлмеген – къууанчны билмез.
- Кёкдеги болмаса, джердегин кёрмейди.
- Юй кюйдю да, кюйюз чыкъды, ортасындан тюйюш чыкъды.
- Тулпарлыкъ, билекден тюл – джюрекден.
- Термилгенинги табмазса, кюлгенинге тюберсе.
- Ойнай-ойнай кёз чыгъар.
- Байны къызы баймакъ болса да, юйде къалмаз!
- Чыбыкълыкъда бюгюлмеген, къазыкълыкъда бюгюлмей эди.
- Алтыннга тот къонмаз.
- Намыс сатылыб алынмайды.
- Бойнуму джети джерден кессенг да, мен ол ишни этеллик тюлме.
- Ана къолу ачытмаз.
- Элде адам къалмаса, ит тахтагъа минер.
- Джахил болса анасы, не билликди баласы?
- Тенги кёбню джау алмаз, акъылы кёбню дау алмаз.
- Эл ауузу – элек, анга ийнаннган – халек.
- Эртде тургъан бла эртде юйленнген сокъуранмаз.
- Ана кёлю – балада, бала кёлю – талада.
- Тёзгеннге, джабылгъан эшик ачылыр.
- Элни кючю – эмеген.
- Ач къалгъандан, кеч къалгъан къолай.
- Къая джолда джортма, ачыкъ сёзден къоркъма.
- Кюл тюбюндеги от кёрюнмейди.
- Намыс болмагъан джерде, насыб болмаз.
- Эм уллу байлыкъ – джан саулукъ.
- Ашыкъгъан cуу, тенгизге джетмез.
- Телини эшигин, махтау джабар.
- Аш хазыр болса, иш харам болур.
- Олтуруб кёрюнмей эди да, ёрге туруб кёрюне эди.
- Биреу къой излей, биреу той излей.
- Тура эдим джата, къайдан чыкъды хата?
- Тиширыусуз юй – отсуз от джагъа.
- Ким бла джюрюсенг, аны кёзю бла кёрюнюрсе.
- Иги джашны ышаны – аз сёлешиб, кёб тынгылар.
- Чабакъсыз кёлге къармакъ салгъанлыкъгъа, чабакъ тутмазса.
- Накъырданы арты керти болур.
- Ётюрюкню башын керти кесер.
- Хантына кёре тузу, юйюне кёре къызы.
- Эки къатын алгъанны къулагъы тынгнгаймаз.
- Акъыл аздырмаз, билим тоздурмаз.
- Башсыз урчукъ тюзюне айланмаз.
- Телиге от эт десенг, юйюнге от салыр.
- Кесине оноу эте билмеген, халкъына да эте билмез.