- Адам къаллай бир ишленмесе, аллай бир кесин уллу кёреди.
- Эки ойлашыб, бир сёлешген.
- Сакъалы текени да бар, мыйыгъы киштикни да бар.
- Джол бла сёзню къыйыры джокъ.
- Ёлюр джаннга, ёкюл джокъ.
- Башсыз урчукъ тюзюне айланмаз.
- Джетген къыз джерли эшекни танымаз.
- Босагъагъа джууукъ орун болса, ашыгъыб тёрге озма.
- Ариу сёз аурууунгу алыр.
- Эшекни не къадар тюйсенг да, ат болмаз.
- Къонакъ хазыр болгъанлыкъгъа, къонакъбай хазыр тюлдю.
- Тамчы таш тешер.
- Ханнга да келеди хариблик.
- Бал ашаргъа сюе эсенг, чибин ургъаннга тёз.
- Иги адамны бир сёзю эки болмаз.
- Уллу сёзде уят джокъ.
- Джахил болса анасы, не билликди баласы?
- Тынгылагъан тынгы бузар.
- Биреуню къыйынлыгъы бла кесинге джол ишлеме.
- Ишлегенден, къарагъан уста.
- Насыблы элин сюер, насыбсыз кесин сюер.
- Чоюнну башы ачыкъ болса, итге уят керекди.
- Биреу ашаб къутулур, биреу джалаб тутулур.
- Джюз элде джюз ёгюзюм болгъандан эсе, джюз джууугъум болсун.
- Терек ауса, отунчу – кёб.
- Ашхы болсанг, атынг чыгъар, аман болсанг, джанынг чыгъар.
- Ёпкелегенни ашы татлы болады.
- Айыбны суу бла джууалмазса.
- Джырчы ёлсе, джыры къалыр.
- Душманны тышы – акъ, ичи – къара.
- Бастасын ашагъан, хантусун да ичер.
- Ауругъаннга – кийик саулукъ, джетген къызгъа – чилле джаулукъ.
- Байма, деб да, къууанма, джарлыма, деб да, джылама.
- Кийим тукъум сордурур.
- Айырылмаз джууугъунга, унутмаз сёзню айтма.
- Таула не мийик болсала да, аууш табылыр.
- Башланнган иш битер, къымылдагъан тиш тюшер.
- Тилчи бир сагъатха айлыкъ хата этер.
- Тойчу джашха къарама, къойчу джашха къара.
- Аман къатын алгъан, арыр, иги къатын алгъан джарыр.
- Къан бла кирген, джан бла чыгъар.
- Мухарны эси – ашарыкъда.
- Аманны эки битли тону болур, бирин сеннге кийдирир, бирин кеси киер.
- Артына баргъанны, къатына барма.
- Къонакъ кёб келюучю юйню, къазаны отдан тюшмез.
- Ханы къызы буюгъа-буюгъа киштик болду.
- Аман хансны – урлугъу кёб.
- Тойгъа алгъа да барма, тойда артха да къалма.
- Ана – юйню кюн джарыгъы.
- Намысы джокъну – дуниясы джокъ.