- Ханы къызы буюгъа-буюгъа киштик болду.
- Бек ашыкъгъан меннге джетсин, дегенди аракъы.
- Къолу уллу – асыу, аягъы уллу – джарсыу.
- Къарыусузгъа кюлме, онгсузгъа тийме.
- Ёксюзню къалачы уллу кёрюнюр.
- Къартха ушагъан джаш – акъыллы, джашха ушагъан къарт – тели.
- Ачылгъан эт джабылыр, кёрген кёз унутмаз.
- Ашхы болсанг, атынг чыгъар, аман болсанг, джанынг чыгъар.
- Битмегеннге сакъал – танг.
- Джети тилни билген джети кишиди.
- Бастасын ашагъан, хантусун да ичер.
- Киштикге къанат битсе, чыпчыкъ къалмаз эди.
- Атадан ёксюз – бир ёксюз, анадан ёксюз – эки ёксюз.
- Тилсиз миллет джокъ болур.
- Ашына кёре табагъы, балына кёре къалагъы.
- Итли къонакъ джарашмаз.
- Ауругъаннга – кийик саулукъ, джетген къызгъа – чилле джаулукъ.
- Айтхан сёзюне табылгъан.
- Кюл тюбюндеги от кёрюнмейди.
- Ана къойну – балагъа джандет.
- Джуртун къоругъан озар.
- Аш хазыр болса, иш харам болур.
- Чакъырылмагъан джерге барма, чакъырылгъан джерден къалма.
- Къатын къылыкъсыз, эр тынчлыкъсыз.
- Адамгъа аман кюн соруб келмейди.
- Сёз сёзню айтдырыр.
- Телини эшигин, махтау джабар.
- Адам къаллай бир ишленмесе, аллай бир кесин уллу кёреди.
- Хантына кёре тузу, юйюне кёре къызы.
- Арбаз къынгырды да, ийнек сауалмайма.
- Иши джокъну, сыйы джокъ.
- Ёмюрлюк шохлукъну джел элтмез.
- Ауурну тюбю бла, дженгилни башы бла джюрюген.
- Кюн кёрмеген, кюн кёрсе, кюндюз чыракъ джандырыр.
- Чабакъгъа акъыл, табагъа тюшсе келеди.
- Игилик игилик бла сингдирилиучю затды.
- Джарлы эскисин джамаса, къууаныр.
- Мал кёб болса, джууукъ кёб болур.
- Насыб бютеу халкъны юлюшюдю.
- Сабийликде юретмесенг, уллу болса – тюзелмез.
- Тил джюрекге джол ишлейди.
- Хаухну атма, ёнгкючню сатма.
- Тюзлюк шохлукъну бегитир.
- «Ёгюз, джаргъа джууукъ барма, меннге джюк боллукъса», - дегенди эшек.
- Экеу тутушса, биреу джыгъылыр.
- Эте билген, этген этеди, эте билмеген, юретген этеди!
- Окъумагъан сокъурду, сокъур ташха абыныр!
- Тилчи тилден къаныкъмаз.
- Джарлы джети элни сёзюн этер.
- Босагъа таш юйге кирмей эди, тыбыр таш эшикге чыкъмай эди.
