- Узун джолну барсанг, бюгюн келирсе, къысха джолну барсанг, тамбла келирсе.
- Берекет берсин деген джерде, берекет болур.
- Адам къаллай бир ишленмесе, аллай бир кесин уллу кёреди.
- «Ёгюз, джаргъа джууукъ барма, меннге джюк боллукъса», - дегенди эшек.
- Ётген ёмюр – акъгъан суу.
- Ачлыкъ отха секиртир.
- Адамны аманы адамны бети бла ойнар.
- Кечеси – аяз, кюню – къыш, джарлы къаргъагъа бир аш тюш!
- Бек анасы джыламаз.
- Ашын ашагъанынгы, башын да сыйла.
- Адеб джокъда, намыс джокъ.
- Мураты болгъанны джюрек тебюую башхады.
- Джылар джаш, атасыны сакъалы бла ойнар.
- Айтхан – тынч, этген – къыйын.
- Кимни – тили, тиши онглу, кимни – къолу, иши онглу.
- Ашлыкъны арба юйге келтирир, чана базаргъа элтир.
- Арбаз сайлама да, хоншу сайла.
- Къызбайны юйюне дери сюрсенг, батыр болур.
- Башы ишлегенни, ауузу да ишлер.
- Рысхысына кёре, джаш ёсер, къышлыгъына кёре, мал ёсер.
- Ач къалгъандан, кеч къалгъан къолай.
- Гугук кесини атын айтыб къычыргъанча, мен, мен деб нек тураса?
- Ашыкъгъан cуу, тенгизге джетмез.
- Мени джылытмагъан кюн, меннге тиймесин!
- Ойнай билмеген, оюн бузар.
- Рысхы – насыбха къор.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Аман къатын алгъан, арыр, иги къатын алгъан джарыр.
- Ата Джуртча джер болмаз, туугъан элча эл болмаз.
- Булут кёкге джарашыу, уят бетге джарашыу.
- Чомартха хар кюн да байрамды.
- Аджал соруб келмез, келсе, къайтыб кетмез.
- Баланы адам этген анады.
- Тойну къарнашы – харс, джырны къарнашы – эжиу.
- Джаш къарыу бла кючлю, къарт акъыл бла кючлю.
- Ёксюзню тилеги къабыл болур.
- Кёб къычыргъандан – къоркъма, тынч олтургъандан – къоркъ.
- Билими азны – ауузунда кирит.
- Тёрени джагъы джокъ.
- Юреннген ауруу къалмаз.
- Аш хазыр болса, иш харам болур.
- Игини сыйлагъан адетди.
- Сабий кёргенин унутмаз.
- Туз, гырджын аша, тюзлюк бла джаша.
- Ата Джуртун танымагъан, атасын да танымаз.
- Келинин тута билмеген, къул этер, къызын тута билмеген, тул этер.
- Башсыз урчукъ тюзюне айланмаз.
- Ёзденликни джайгъан – джокълукъ.
- Атадан ёксюз – бир ёксюз, анадан ёксюз – эки ёксюз.
- Байлыкъ болгъан джерде, тынчлыкъ джокъду.
