- Кёз – сюйген джерде, къол – ауругъан джерде.
- Къонагъы джокъну – шоху джокъ.
- Ач уят къоймаз.
- Иесиз малны бёрю ашар.
- Ариу сёз джыланны орнундан чыгъарыр.
- Бёрю да ач къалмасын, эчки да ашалмасын.
- Джарашыу сюйген – джалынчакъ.
- Ашлыкъны арба юйге келтирир, чана базаргъа элтир.
- Биреуге кёлтюрген таягъынг, кесинги башынга урур.
- Сибиртки да сыйлы болду, кюрек да кюнлю болду.
- Аджашхан тёгерек айланыр.
- Таякъ этден ётер, тил сюекден ётер.
- Чоюнну башы ачыкъ болса, итге уят керекди.
- Джырчы джырчыгъа – къарнаш.
- Аш иеси бла татлыды.
- Адамны аманы адамны бети бла ойнар.
- Алим болгъандан эсе, адам болгъан къыйынды.
- Эрине къаргъыш этген къатын, эрнин къабар.
- Дуния мал дунияда къалады.
- Эркишиге тары кебек танг кёрюнюр.
- Кютгени беш эчки, сызгъыргъаны уа, джерни джарады.
- Тойгъанлыкъ къойгъа джарашады.
- Малны кют, джерни тюрт.
- Къазанда болса, чолпугъа чыгъар.
- Мухардан ач ычхынмаз.
- Тау башында, тау болмаз, джангыз терек, бау болмаз.
- Бичгенде ашыкъма, тикгенде ашыкъ.
- Зар адам ашынгы ашар, кесинги сатар.
- Онгсузну – джакъла, тенгликни – сакъла.
- Хар сёзню орну барды.
- Адам сёзге тынгыла, акъыл сёзню ангыла.
- Кюлме джашха – келир башха.
- Джашда акъыл джокъ, къартда къарыу джокъ.
- Байлыкъ болгъан джерде, тынчлыкъ джокъду.
- Ашхы – джыяр, аман – джояр.
- Гырджын – тепсини тамадасы.
- Ариу сёз аурууунгу алыр.
- Эм уллу байлыкъ – джан саулукъ.
- Ата джурт – алтын бешик.
- Орундукъ тюбюнде атылсам да, орта джиликме, де да айлан.
- Бозаны арты дауур болур.
- Эки элинги тыйсанг, джети элде махталырса.
- Бек ашыкъгъан меннге джетсин, дегенди аракъы.
- Кёбден умут этиб, аздан къуру къалма.
- Джашны джигитлиги сорулур, къызны джигерлиги сорулур.
- Тамырсыз терекге таянма – джыгъылырса.
- Ашда – бёрю, ишде – ёлю.
- Экиндини кеч къылсанг, чабыб джетер ашхам.
- Керти сёзге тёре джокъ.
- Къаллай салам берсенг, аллай джууаб алырса.
Жазыкоев Исхак Магометович, погиб в Афганистане
Читают тему (гостей: 1)