- Къолунгдан къуймакъ ашатсанг да, атаны борчундан къутулмазса.
- Кюн – узун, ёмюр – къысха.
- Къарнынг ауруса, ауузунгу тый
- Бастасын ашагъан, хантусун да ичер.
- Игини сыйлагъан адетди.
- Иесиз малны бёрю ашар.
- Окъдан джара эртде-кеч болса да бителир, сёз джара, ёмюрге къалыр.
- Биреуге кёлтюрген таягъынг, кесинги башынга урур.
- Чакъырылгъанны аты, чакъырылмагъанны багъасы болур.
- Таукелге нюр джауар.
- Келгинчи, къонакъ уялыр, келгенден сора, къонакъбай уялыр.
- Къарт болгъан джерде, берекет болур, сабий болгъан джерде, оюн болур.
- Ёлген аслан – сау чычхан.
- Элде адам къалмаса, ит тахтагъа минер.
- Къонакъ аз олтурур, кёб сынар.
- Насыб бютеу халкъны юлюшюдю.
- Ишленмеген джаш – джюгенсиз ат, ишленмеген къыз – тузсуз хант.
- Тамбла алтындан бюгюн багъыр ашхы.
- Илму – джашауну джолу.
- Адам сёзге тынгыла, акъыл сёзню ангыла.
- Джашны джигитлиги сорулур, къызны джигерлиги сорулур.
- Джюрек кёзден алгъа кёрюр.
- Айраннга суу къош, телиге джол бош.
- Кийимни бир кюнню аясанг, минг кюннге джарар.
- Аджашханны ызындагъы кёреди, джангылгъанны джанындагъы биледи.
- Къулакъдан эсе, кёзге ышан.
- Бёрю да ач къалмасын, эчки да ашалмасын.
- Хата – гитчеден.
- Чомартха Тейри да борчлуду.
- Байлыкъдан саулукъ ашхыды.
- Тынгылагъан тынгы бузар.
- Джахил болса анасы, не билликди баласы?
- Окъугъан – асыу, окъумагъан – джарсыу.
- Биреуню эскиси биреуге джангы болмайды.
- Ауузу бла къуш тута айланады.
- Элиб деген, элге болушур.
- Арбаз къынгырды да, ийнек сауалмайма.
- Ёгюзню мюйюзлери ауурлукъ этмейдиле.
- Джырчы ёлсе, джыры къалыр.
- Терслик кетер, тюзлюк джетер.
- Кесине гебен этелмеген, биреуге черен эте эди.
- Битмегеннге сакъал – танг.
- Намыс сатылыб алынмайды.
- Суу да къайтады чыкъгъан джерине.
- Ишни ахырын ойламай, аллын башлама.
- Къазанны башы ачыкъ болса, итге уят керекди.
- Ат да турмайды бир териде.
- Биреуню тёрюнден, кесинги эшик артынг игиди.
- Ачлыкъ отха секиртир.
- Тил – кесген бычакъ, сёз – атылгъан окъ.
КАРАКЕТОВ ХЫЗЫР (Дикая дивизия)
Читают тему (гостей: 1)