- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Бек ашыкъгъан меннге джетсин, дегенди аракъы.
- Къалгъан ишге къар джауар.
- Кёрмегеннге кебек – танг, битмегеннге сакъал – танг.
- Ата Джуртча джер болмаз, туугъан элча эл болмаз.
- Сёлеш деб шай берген, тохта деб, сом берген.
- Джарлыны эшигин махтагъан джабар.
- Эрине къаргъыш этген къатын, эрнин къабар.
- Садакъачыны джаны – къапчыгъында.
- Таукел адам тау тешер.
- Юреннген ауруу къалмаз.
- Джаралыны джастыгъында сау ёлюр.
- Бир абыннган – минг сюрюнюр.
- Ашлыкъны арба юйге келтирир, чана базаргъа элтир.
- Дууулдаса – бал чибин, къонса – къара чибин.
- Билмейме деген – бир сёз
- Тойну къарнашы – харс, джырны къарнашы – эжиу.
- Сютню башын джалагъан къутулур, тюбюн ичген тутулур.
- Тёрдеги кюлсе, эшикдеги ышарыр.
- Къонагъынгы артмагъын алма да, алгъышын ал.
- Къарнынг бла ёч алма.
- Джогъун бар этген, барын бал этген.
- Тик ёргени, тик энгишгеси да болады.
- Бир онгсуз адам адет чыгъарды, деб эштирик тюлсе.
- Ариу сёз – джаннга азыкъ, аман сёз – башха къазыкъ.
- Накъырда – кертини келечиси.
- Тынгылагъан тынгы бузар.
- Ариу сёзде ауруу джокъ.
- Агъач халкъгъа алтынды, иссиликге салкъынды.
- Ана кёлю – балада, бала кёлю – талада.
- Къолу уллу – асыу, аягъы уллу – джарсыу.
- Босагъа таш юйге кирмей эди, тыбыр таш эшикге чыкъмай эди.
- Эли джокъну – кёлю джокъ.
- Джукъу тёшек сайламайды.
- Кесинг сынамагъан затны, адамгъа буюрма.
- Эрни эр этерик да, къара джер этерик да, тиширыуду.
- Джыгъылгъанны сырты джерден тоймаз.
- Акъыллы – эл иеси, тели – эл баласы.
- Къонакъ кёб келюучю юйню, къазаны отдан тюшмез.
- Айран тёгюлсе, джугъусу къалыр.
- Ашхы атаны – джашы ашхы, ашхы ананы – къызы ашхы.
- Ат да турмайды бир териде.
- Игини сыйлагъан адетди.
- Акъыл аздырмаз, билим тоздурмаз.
- Намыс сатылыб алынмайды.
- Эм уллу байлыкъ – джан саулукъ.
- Билим ат болуб да чабар, къуш болуб да учар.
- Сескекли кесин билдирир.
- Кийимни бир кюнню аясанг, минг кюннге джарар.
- Ишлегенде эринме, ишде чолакъ кёрюнме.
Фото во время отъезда на Японскую войну., прошу посмотреть
Читают тему (гостей: 1)