- Таукел тауну аудурур.
- Чомарт къонакъ юй иесин сыйлар.
- Эрни эр этерик да, къара джер этерик да, тиширыуду.
- Адебсиз адам – джюгенсиз ат.
- Айтхан сёзюне табылгъан.
- Айран тёгюлсе, джугъусу къалыр.
- Джашынгы кесинг юретмесенг, джашау юретир.
- Джюз элде джюз ёгюзюм болгъандан эсе, джюз джууугъум болсун.
- Чакъырылмагъан къонакъ тёрге атламаз.
- Ат басханны джер билед.
- От кюйдюрген, сау болса да, тот кюйдюрген, сау болмаз.
- Аш кетер да бет къалыр.
- Башы джабылгъан челекге, кир тюшмез.
- Айтхан – тынч, этген – къыйын.
- Тешигини къатында, чычхан да батыр болур.
- Хантына кёре тузу, юйюне кёре къызы.
- Урама да – ёледи, сатама да – келеди.
- Ариу сёз – джаннга азыкъ, аман сёз – башха къазыкъ.
- Окъ къызбайны джокълайды.
- Ашына кёре табагъы, балына кёре къалагъы.
- Ачылгъан эт джабылыр, кёрген кёз унутмаз.
- Айранын берсенг, челегин да къызгъанма.
- Кёбню кёрген – кёб билир.
- Экеу тутушса, биреу джыгъылыр.
- Урунуу – насыбны анасы.
- Тойгъан джерге джети къайт.
- Дуния аламаты сен эсенг да, игиме деб айтма.
- Зар адамны насыбы болмаз.
- Аллахха ийнаннган кишини, Аллах онгдурур ишин.
- Къарнынг тойгъунчу аша да, белинг талгъынчы ишле.
- Юй кюйдю да, кюйюз чыкъды, ортасындан тюйюш чыкъды.
- Нарт сёз – тилни бети.
- Адебни адебсизден юрен.
- Магъанасыз сёз – тауушсуз сыбызгъы.
- Намыс сатылыб алынмайды.
- Аман къатын алгъан, арыр, иги къатын алгъан джарыр.
- Тилде сюек болмаса да, сюек сындырыр.
- Аман эсирсе, юйюн ояр.
- Кёл – къызбай, къол – батыр.
- Юй ишлеген балта эшикде къалыр.
- Чомартха Тейри да борчлуду.
- Сакъламагъан затынга джолукъсанг, не бек къууанаса, не бек ачыйса.
- Юйлю уругъа ит чабмаз.
- Тёгюлген тюгел джыйылмайды.
- Къазанчы аман болса, къазаны къайнамаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Къарнынг бла ёч алма.
- Джаным-тиним – окъуу, билим.
- Чомарт къолда мал къалмаз.
- Баргъанынга кёре болур келгенинг.
Крымкая война
Читают тему (гостей: 1)