- Аман адам этегингден тутса, кес да къач.
- Накъырданы арты керти болур.
- Джети тилни билген джети кишиди.
- Дженгил джетерикме деб, узун джолну къоюб, къысхасын барма.
- Джыйырма къойну юч джыйырма эбзе кюте эди.
- Чабакъ башындан чирийди.
- Къыз тиширыу кеси юйюнде да къонакъды.
- Чомартха хар кюн да байрамды.
- Гугурук къычырмаса да, тангны атары къалмаз.
- Къууут – джелге, берне – бошха.
- Ишин билген, аны сыйын чыгъарады.
- Окъугъан – асыу, окъумагъан – джарсыу.
- Ашда – бёрю, ишде – ёлю.
- Джюрек кёзден алгъа кёрюр.
- Байма, деб да, къууанма, джарлыма, деб да, джылама.
- Ариуну – ауруу кёб.
- Нёгер болсанг, тенг бол, тенг болмасанг, кенг бол.
- Атадан ёксюз – бир ёксюз, анадан ёксюз – эки ёксюз.
- Адеб этмеген, адеб кёрмез.
- Келинин тута билмеген, къул этер, къызын тута билмеген, тул этер.
- Сакъламагъан затынга джолукъсанг, не бек къууанаса, не бек ачыйса.
- Биреу ашаб къутулур, биреу джалаб тутулур.
- Билеги кючлю, бирни джыгъар, билими кючлю, мингни джыгъар.
- Чомартха Тейри да борчлуду.
- Къызын тута билмеген, тул этер, джашын тута билмеген, къул этер.
- Тынгылагъан тынгы бузар.
- Бетинги сатма, малынгы сат.
- Экеу тутушса, биреу джыгъылыр.
- Тёрде – темир таякълы, къаяда – чыпчыкъ аякълы.
- Ёлюк кебинсиз къалмаз.
- Битмегеннге сакъал – танг.
- Ариу – кёзге, акъыл – джюрекге.
- Тик ёргени, тик энгишгеси да болады.
- Дууулдаса – бал чибин, къонса – къара чибин.
- Джарлыны эшигин махтагъан джабар.
- Хантына кёре тузу, юйюне кёре къызы.
- Иги – алгъыш этер, аман – къаргъыш этер.
- Чомартны къолун джокълукъ байлар.
- Башда акъыл болмаса, эки аякъгъа кюч джетер.
- Акъылсызны джууукъгъа алма, акъыллыны кенгнге салма.
- Акъыл къартда, джашда тюйюлдю – башдады.
- Биреуге кёлтюрген таягъынг, кесинги башынга урур.
- Аз сёлеш, кёб ишле.
- Юйлю уругъа ит чабмаз.
- Тин – байлыгъынг, терен саулугъунг.
- Адамны адамлыгъы къыйынлыкъда айгъакъланады.
- Ойнай билмеген, уруб къачар.
- Ана къойну – балагъа джандет.
- Аман адамны тепсинге олтуртсанг, къызынгы тилер.
- Айырылмаз джууугъунга, унутмаз сёзню айтма.
Ушедшие на Японскую войну...
23.04.2009 20:45:19
Материал про карачаево-балкарцев на Islam.ru :
|
||||
|
|
|||
Читают тему (гостей: 1)