- Ёлген эшек бёрюден къоркъмайды.
- Уллу суу бла уллу ауруудан башынгы сакъла.
- Къатын байлыкъны сюер, эр саулукъну сюер.
- Башы ишлегенни, ауузу да ишлер.
- Ашын ашагъанынгы, башын да сыйла.
- Тин – байлыгъынг, терен саулугъунг.
- Садакъачыны джаны – къапчыгъында.
- Атынг аманнга чыкъгъандан эсе, джанынг тамагъынгдан чыкъсын.
- Рысхы джалгъанды: келген да этер, кетген да этер.
- Билим ат болуб да чабар, къуш болуб да учар.
- Дуния мал дунияда къалады.
- Мал тутхан – май джалар.
- Сёз – кюмюш, джыр – алтын.
- Дууулдаса – бал чибин, къонса – къара чибин.
- Тенгни тенглиги джашай барсанг билинир.
- Туз, гырджын аша, тюзлюк бла джаша.
- Сабийни джумушха джибер да, ызындан бар.
- Мураты болгъанны джюрек тебюую башхады.
- Къошда джокъгъа – юлюш джокъ.
- Уясында не кёрсе, учханында аны этер.
- Чакъырылмай келген къонакъ сыйланмай кетер.
- Ариу сёз – джаннга азыкъ, аман сёз – башха къазыкъ.
- Хатерли къул болур.
- Биреуню тёрюнден, кесинги эшик артынг игиди.
- Хоншуну тауугъу къаз кёрюнюр, келини къыз кёрюнюр.
- Тау башында, тау болмаз, джангыз терек, бау болмаз.
- Аман адамны тепсинге олтуртсанг, къызынгы тилер.
- Ойнаб айтсанг да, эслеб айт.
- Тенги кёбню джау алмаз, акъылы кёбню дау алмаз.
- Джашда акъыл джокъ, къартда къарыу джокъ.
- Бозаны арты дауур болур.
- Аджаллыгъа окъсуз шкок атылыр.
- Абынмазлыкъ аякъ джокъ, джангылмазлыкъ джаякъ джокъ.
- Джюрекден джюрекге джол барды.
- Ариу сёз аурууунгу алыр.
- Къанны къан бла джуума, аманны аман бла къуума.
- Кёзю сокъурдан – къоркъма, кёлю сокъурдан – къоркъ.
- Эл тойса, тоймагъан, эл къойса, къоймагъан.
- Уллу сёзде уят джокъ.
- Нафысынгы айтханын этме, намысынгы айтханын эт.
- Узун джолну барсанг, бюгюн келирсе, къысха джолну барсанг, тамбла келирсе.
- Ёмюрлюк шохлукъну джел элтмез.
- Тиширыусуз юй – отсуз от джагъа.
- Азыкъ аз болса, эртде орун сал.
- Алтыннга тот къонмаз.
- Къарнынг тойгъунчу аша да, белинг талгъынчы ишле.
- Татлы сёз – балдан татлы.
- Ауузу аманнга «иги», деме.
- Ашлыкъны арба юйге келтирир, чана базаргъа элтир.
- Ариу – кёзге, акъыл – джюрекге.
Ищу сведения о жизни Дудова Леона Исмаиловича
Читают тему (гостей: 1)