- Тилчиден кери бол.
- Эрни эр этерик да, къара джер этерик да, тиширыуду.
- От кюйдюрген, сау болса да, тот кюйдюрген, сау болмаз.
- Атлыны ашхысы, ат тизгининден билинир
- Босагъа таш юйге кирмей эди, тыбыр таш эшикге чыкъмай эди.
- Бёрю да ач къалмасын, эчки да ашалмасын.
- Чалманны аллы къалай башланса, арты да алай барады.
- Дууулдаса – бал чибин, къонса – къара чибин.
- Керек ташны ауурлугъу джокъ.
- Уруну арты – къуру.
- Адамны адамлыгъы къыйынлыкъда айгъакъланады.
- Айранны сюйген, ийнек тутар.
- Тай асырагъан, атха минер.
- Акъыллы башны – тили къысха.
- Акъыл неден да кючлюдю.
- Ётген ёмюр – акъгъан суу.
- «Ёгюз, джаргъа джууукъ барма, меннге джюк боллукъса», - дегенди эшек.
- Джолда аягъынга сакъ бол, ушакъда тилинге сакъ бол.
- Ашха уста, юйюнде болсун
- Ата – баланы уясы.
- Аман адам элни бир-бирине джау этер.
- Рысхысына кёре, джаш ёсер, къышлыгъына кёре, мал ёсер.
- Къулакъдан эсе, кёзге ышан.
- Тёрени джагъы джокъ.
- Хансыз джомакъ болмаз.
- Ач келгенни – тойдур, кеч келгенни – къондур.
- Билим къая тешер.
- Джаш болсун, къыз болсун, акъылы, саны тюз болсун.
- Онгсузну – джакъла, тенгликни – сакъла.
- Джангыз терек къынгыр ёсер.
- Сабийликде юретмесенг, уллу болса – тюзелмез.
- Ёпкелегенни ашы татлы болады.
- Аманны эки битли тону болур, бирин сеннге кийдирир, бирин кеси киер.
- Насыб бютеу халкъны юлюшюдю.
- Тыш элде солтан болгъандан эсе, кесинги элде олтан болгъан игиди!
- Аз сёлеш, кёб ишле.
- Нёгерсизни джолу узун.
- Билимден уллу байлыкъ джокъду.
- Тил джюрекге джол ишлейди.
- Ачны эсинде – аш.
- Къошда джокъгъа – юлюш джокъ.
- Халкъны джырын джырласанг, халкъ санга эжиу этер.
- Адамны аты башхача, акъылы да башхады.
- Окъумагъан сокъурду, сокъур ташха абыныр!
- Тойчу джашха къарама, къойчу джашха къара.
- Гыдай эчки суугъа къараб, мюйюзле кёрмесе, джашма алкъын, дегенди.
- Ауузу аманнга «иги», деме.
- Билген билмегенни юретген адетди.
- Аманнга алтын чыдамаз.
- Хар зат кесини орнуна иги.
Ищу сведения о жизни Дудова Леона Исмаиловича
Читают тему (гостей: 1)