- Чёбню кёлтюрсенг, тюбюнден сёз чыгъар.
- Хоншуну тауугъу къаз кёрюнюр, келини къыз кёрюнюр.
- Кийим тукъум сордурур.
- Къызны минг тилер, бир алыр.
- Урама да – ёледи, сатама да – келеди.
- Тенгинг джокъ эсе – изле, бар эсе – сакъла!
- Билеги кючлю, бирни джыгъар, билими кючлю, мингни джыгъар.
- Иги – алгъыш этер, аман – къаргъыш этер.
- Тилчи тилден къаныкъмаз.
- Сютден ауузу кюйген, суугъа юфгюре эди.
- Акъыллы айтыр эди, акъылсыз къоймайды.
- Сёз сёзню айтдырыр.
- Айтылгъан сёз ызына къайтмаз.
- Насыблы элин сюер, насыбсыз кесин сюер.
- Адамны джюреги нени кёрюрге сюйсе, кёзю да аны кёрюрге ёч болады.
- Кёбге таш атма.
- Джюрек кёзден алгъа кёрюр.
- Ашыкъгъан cуу, тенгизге джетмез.
- Аман адам этегингден тутса, кес да къач.
- Чомарт къолда мал къалмаз.
- Дуния аламаты сен эсенг да, игиме деб айтма.
- Джетген къыз джерли эшекни танымаз.
- Акъыллы – эл иеси, тели – эл баласы.
- Уллу къазанда бишген эт, чий къалмаз.
- Билимден уллу байлыкъ джокъду.
- Тюзлюк тас болмайды.
- Нёгер болсанг, тенг бол, тенг болмасанг, кенг бол.
- Байлыкъдан саулукъ ашхыды.
- Бир онгсуз адам адет чыгъарды, деб эштирик тюлсе.
- Кесинг сынамагъан затны, адамгъа буюрма.
- Тил – кесген бычакъ, сёз – атылгъан окъ.
- Мадар болса, къадар болур.
- Сабыр джетер муратха, сабырсыз къалыр уятха.
- Адамны сабийин сюйген джюреги, бычакъча, джитиди.
- Эр сокъур болсун, къатын тилсиз болсун.
- Джаз бир кюнню джатсанг, къыш талай кюнню абынырса.
- Ёзденликни джайгъан – джокълукъ.
- Къолунгдан къуймакъ ашатсанг да, атаны борчундан къутулмазса.
- Джаханимни кёрмей, джандетге кёл салмазса.
- Суугъа – чабакъ, къаягъа – ыргъакъ.
- Кёпюр салгъан кеси ётер, уру къазгъан кеси кетер.
- Бозаны арты дауур болур.
- Къаллай салам берсенг, аллай джууаб алырса.
- Аджашханны ызындагъы кёреди, джангылгъанны джанындагъы биледи.
- Накъырданы арты керти болур.
- Ата Джуртуму башы болмасам да, босагъасында ташы болайым.
- Узун джолну барсанг, бюгюн келирсе, къысха джолну барсанг, тамбла келирсе.
- Билим насыб берир, билим джолну керир.
- Хар сёзню орну барды.
- Чыбыкълыкъда бюгюлмеген, къазыкълыкъда бюгюлмей эди.
Ищу сведения о жизни Дудова Леона Исмаиловича
Читают тему (гостей: 1)