- Иги адам абынса да, джангылмаз.
- Хатерли къул болур.
- Джылар джаш, атасыны сакъалы бла ойнар.
- Дуния малгъа сатылма, кесингден телиге къатылма.
- Тенгни тенглиги джашай барсанг билинир.
- Ашхы сёз таш тешер.
- Джырчы джырчыгъа – къарнаш.
- Аманны къуугъан, аманлыкъ табар.
- Кийиминг бла танылма, адамлыкъ бла таныл.
- Къартны бурнун сюрт да, оноугъа тут.
- Тойгъандан сора, ашны сёкме.
- Эл бла кёргенинг эрелей.
- Ёксюзню къалачы уллу кёрюнюр.
- Адеб базарда сатылмаз.
- Къралынгы – душмандан, башынгы от бла суудан сакъла.
- Кёб къычыргъандан – къоркъма, тынч олтургъандан – къоркъ.
- Юйюнг бла джау болгъандан эсе, элинг бла джау бол.
- Окъуу – билимни ачхычы, окъуу – дунияны бачхычы.
- Къарын къуру болса, джюрек уру болур.
- Окъ къызбайны джокълайды.
- Бир онгсуз адам адет чыгъарды, деб эштирик тюлсе.
- Ашыкъгъанны этеги бутуна чырмалыр.
- Чалманны аллы къалай башланса, арты да алай барады.
- Айтылгъан буйрукъ, сёгюлмез
- Биреуге аманлыкъны тилеме да, кесинге ашхылыкъны тиле.
- Ханнга да келеди хариблик.
- Байлыкъ адамны сокъур этер.
- Тил – кесген бычакъ, сёз – атылгъан окъ.
- Джарлы тюеге минсе да, ит къабар.
- Тешик этген тынчды, аны джамагъан къыйынды.
- Баш – акъыл ючюн, акъылман – халкъ ючюн.
- Чакъырылгъанны аты, чакъырылмагъанны багъасы болур.
- Акъыллы эркиши атын махтар, акъылсыз эркиши къатынын махтар.
- Акъыл къартда, джашда тюйюлдю – башдады.
- Атадан ёксюз – бир ёксюз, анадан ёксюз – эки ёксюз.
- Кёзню ачылгъаны – иги, ауузну джабылгъаны – иги.
- Баланы адам этген анады.
- Ата джурт – алтын бешик.
- Бет бетге къараса, бет да джерге къарар.
- Сабийни джумушха джибер да, ызындан бар.
- Адам сёзюнден белгили.
- Къартны сыйын кёрмеген, къартлыгъында сыйлы болмаз.
- Ёмюрлюк шохлукъну джел элтмез.
- Байма, деб да, къууанма, джарлыма, деб да, джылама.
- Айыбны суу бла джууалмазса.
- Хар адамгъа кеси миннген тау кибик.
- Сыфатында болмагъаны, суратында болмаз.
- Бети къызарыучу адамны, джюреги харам болмаз.
- Ойнаб айтсанг да, эслеб айт.
- Сютден ауузу кюйген, суугъа юфгюре эди.
КЧфРГУ
01.11.2007 15:44:31
Мы здесь Света
|
|
|
|
18.01.2010 00:37:31
эх студенческие годы :smt006
|
||||
|
|
|||
Читают тему (гостей: 1)