- Къралынгы – душмандан, башынгы от бла суудан сакъла.
- Ауурну тюбю бла, дженгилни башы бла джюрюген.
- Къыйынлы джети элге оноу этер.
- Чомартны къолу берекет.
- Аман киши кеси юйюнде – къонакъ.
- Къайгъыны сюйген, къайгъы табар.
- Урунуу – насыбны анасы.
- Ётюрюкню къуйругъу – бир тутум.
- Ойнаб айтсанг да, эслеб айт.
- Аджаллыгъа окъсуз шкок атылыр.
- Азыкъ аз болса, эртде орун сал.
- Агъач – джерни чырайы, кийим – эрни чырайы.
- Ашын ашагъанынгы, башын да сыйла.
- Тулпарлыкъ, билекден тюл – джюрекден.
- Биреуню эскиси биреуге джангы болмайды.
- Таугъа чыгъаллыкъ эсенг, тюзде къалма.
- Урама да – ёледи, сатама да – келеди.
- Тай асырагъан, атха минер.
- Суу кетер, таш къалыр.
- Тил – кесген бычакъ, сёз – атылгъан окъ.
- Татлы сёз – балдан татлы.
- Эки элинги тыйсанг, джети элде махталырса.
- Джашда акъыл джокъ, къартда къарыу джокъ.
- Хаухну атма, ёнгкючню сатма.
- Хатерли къул болур.
- Эртде тургъан бла эртде юйленнген сокъуранмаз.
- Ашлыкъны арба юйге келтирир, чана базаргъа элтир.
- Джангызны оту джарыкъ джанмаз!
- Эркиши – от, тиширыу – суу.
- Джумушакъ терекни къурт ашар.
- Арба аугъандан сора, джол кёргюзтюучю кёб болур.
- Кюл тюбюндеги от кёрюнмейди.
- Кесине оноу эте билмеген, халкъына да эте билмез.
- Башынга джетмегенни сорма.
- Хоншуну тауугъу къаз кёрюнюр, келини къыз кёрюнюр.
- Юйюнгден чыкъдынг – кюнюнгден чыкъдынг.
- Эринчекге кюн узун.
- Тюзню ётмеги тюзде къалса да, тас болмаз.
- Къарт бла баш аша, джаш бла аякъ аша.
- Эм ашхы къайын ана мамукъ бла башынгы тешер.
- Мал тутхан – май джалар.
- Бюгюн дуния кибик, тамбла ахыратды.
- Ашхы атаны – джашы ашхы, ашхы ананы – къызы ашхы.
- Окъугъан – асыу, окъумагъан – джарсыу.
- Сабий кёргенин унутмаз.
- Сёлеш деб шай берген, тохта деб, сом берген.
- Къолунгдан къуймакъ ашатсанг да, атаны борчундан къутулмазса.
- Керек ташны ауурлугъу джокъ.
- Аманны къуугъан, аманлыкъ табар.
- Шекер бла туз – бир болмаз, ушамагъан – юй болмаз.
КЧфРГУ
01.11.2007 15:44:31
Мы здесь Света
|
|
|
|
18.01.2010 00:37:31
эх студенческие годы :smt006
|
||||
|
|
|||
Читают тему (гостей: 1)