- Кюлме джашха – келир башха.
- Чомартны къолу берекет.
- Ашатыргъа иш – ашхы, ишлетирге аш – ашхы.
- Тойгъанлыкъ къойгъа джарашады.
- Аджашханны ызындагъы кёреди, джангылгъанны джанындагъы биледи.
- Алма терегинден кери кетмез.
- Къобан да къуру да къобханлай турмайды, адам да къуру да патчахлай турмайды.
- Сакъ юйюне сау барыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Къызбайны юйюне дери сюрсенг, батыр болур.
- Аш иеси бла татлыды.
- Эки къатын алгъан – эки ташны ортасына башын салгъан.
- Чабакъсыз кёлге къармакъ салгъанлыкъгъа, чабакъ тутмазса.
- Ётген ёмюр – акъгъан суу.
- Юйюнгден чыкъдынг – кюнюнгден чыкъдынг.
- Тойгъан джерге джети къайт.
- Тил – миллетни джаны.
- Адеби болмагъан къыз – тузсуз хант.
- Джогъун бар этген, барын бал этген.
- Мен да «сен», дейме, сен да «кесим», дейсе.
- Кесине оноу эте билмеген, халкъына да эте билмез.
- Кёб джашагъан – кёб билир.
- Этни да ашады, бетни да ашады.
- Джюрекге ариу – кёзге да ариу.
- Тилчи тилден къаныкъмаз.
- Аман хансны – урлугъу кёб.
- Сескекли кесин билдирир.
- Тамбла алтындан бюгюн багъыр ашхы.
- Аз сёлеш, кёб ишле.
- Чарсда алчыны эл кёреди.
- Бичгенде ашыкъма, тикгенде ашыкъ.
- Ачлыкъда тары гырджын халыуадан татлы.
- Къайтырыкъ эшигинги, къаты уруб чыкъма.
- Нафысынгы айтханын этме, намысынгы айтханын эт.
- Баш – акъыл ючюн, акъылман – халкъ ючюн.
- Къралынгы – душмандан, башынгы от бла суудан сакъла.
- Къарт айтханны этмеген, къартаймаз.
- Бек ашыкъгъан меннге джетсин, дегенди аракъы.
- Зар адамны насыбы болмаз.
- Дженгил джетерикме деб, узун джолну къоюб, къысхасын барма.
- Уясында не кёрсе, учханында аны этер.
- Адамны адамлыгъы къыйынлыкъда айгъакъланады.
- Ашхы сёз таш тешер.
- Сабыр джетер муратха, сабырсыз къалыр уятха.
- Джетген къыз джерли эшекни танымаз.
- Эм ашхы къайын ана мамукъ бла башынгы тешер.
- Хантына кёре тузу, юйюне кёре къызы.
- Акъыл къартда, джашда тюйюлдю – башдады.
- Баргъанынга кёре болур келгенинг.
- Ашхы адам – халкъ байлыгъы, ашхы джер – джашау байлыгъы.
