- Таукелге нюр джауар.
- Бети – къучакълар, джюреги – бычакълар.
- Суугъа – таянма, джаугъа – ийнанма.
- Ач да бол, токъ да бол – намысынга бек бол.
- Таукел тауну аудурур.
- Кёб джашагъан – кёб билир.
- Аман къатын алгъан, арыр, иги къатын алгъан джарыр.
- Ариуну – ауруу кёб.
- Таукел къуру къалмаз.
- Ойнай билмеген, уруб къачар.
- Таукел адам тау тешер.
- Къыз келсе, джумуш эте келеди, къатын келсе, ушакъ эте келеди.
- Чакъырылмагъан джерге барма, чакъырылгъан джерден къалма.
- Ашарыкъда сайлагъаннга – чий гырджын.
- Джукъу тёшек сайламайды.
- Оюмсуз атлагъан, аджалсыз ёлюр.
- Эки къатын алгъан – эки ташны ортасына башын салгъан.
- Таугъа чыгъаллыкъ эсенг, тюзде къалма.
- Шайтан алдады, тюзлюк къаргъады.
- Айтхан сёзюне табылгъан.
- Иги сёз – джаннга азыкъ, аман сёз башха – къазыкъ.
- Ашда – бёрю, ишде – ёлю.
- Билмегенинги, билгеннге сор.
- Тау башында, тау болмаз, джангыз терек, бау болмаз.
- Кютгени беш эчки, сызгъыргъаны уа, джерни джарады.
- Шапа кёб болса, аш татымсыз болур.
- Эркиши – от, тиширыу – суу.
- Аууз сакълагъан – джан сакълар.
- Этни бети бла шорпасы.
- Ана кёлю – балада, бала кёлю – талада.
- Кёрмегеннге кебек – танг, битмегеннге сакъал – танг.
- Татлы тилде – сёз ариу, чемер къолда – иш ариу.
- Джигер – джаннга къыйынлыкъ.
- Тилчи тилден къаныкъмаз.
- Хаухну атма, ёнгкючню сатма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джерни букъусу кёкге къонмаз.
- Акъыллы башны – тили къысха.
- Сабыр джетер муратха, сабырсыз къалыр уятха.
- Эки ойлашыб, бир сёлешген.
- Тилсиз миллет джокъ болур.
- Болджал ишни бёрю ашар.
- Киштикге къанат битсе, чыпчыкъ къалмаз эди.
- Хоншуну тауугъу къаз кёрюнюр, келини къыз кёрюнюр.
- Тойгъа алгъа да барма, тойда артха да къалма.
- Зарда марда джокъ.
- Тёрени джагъы джокъ.
- Алтыда кюлмеген, алтмышда кюлмез.
- Татлы сёз – балдан татлы.
- Сабий кёргенин унутмаз.
Ученые открыли новый метод диагностики опухоли мозга
Читают тему (гостей: 1)