- Джаш къарыу бла кючлю, къарт акъыл бла кючлю.
- Джарлы тюеге минсе да, ит къабар.
- Арбаз сайлама да, хоншу сайла.
- Ишленмеген джаш – джюгенсиз ат, ишленмеген къыз – тузсуз хант.
- Эллинг бла джау болсанг да, юйюнг бла джау болма.
- Адебни адебсизден юрен.
- Керек ташны ауурлугъу джокъ.
- От кюйдюрген, сау болса да, тот кюйдюрген, сау болмаз.
- Болджал ишни бёрю ашар.
- Биреу къой излей, биреу той излей.
- Билмейме деген – бир сёз
- Харам къарнашдан, халал тенг ашхы.
- Онгсузну – джакъла, тенгликни – сакъла.
- Эм уллу байлыкъ – джан саулукъ.
- Аман эсирсе, юйюн ояр.
- Насыб бютеу халкъны юлюшюдю.
- Ариу сёзде ауруу джокъ.
- Чомартха Тейри да борчлуду.
- Ашлыкъ – бюртюкден, джюн – тюкден.
- Тюзню ётмеги тюзде къалса да, тас болмаз.
- Аллахха ийнаннган кишини, Аллах онгдурур ишин.
- Байлыкъ адамны сокъур этер.
- Акъыл неден да кючлюдю.
- Терек ауса, отунчу – кёб.
- Бюгюн дуния кибик, тамбла ахыратды.
- Урама да – ёледи, сатама да – келеди.
- Этек чакъмакълары баш джаргъан, сёлешген сёзлери таш джаргъан.
- Айтханы чапыракъдан ётмеген.
- Таякъ этден ётер, тил сюекден ётер.
- Тура эдим джата, къайдан чыкъды хата?
- Соргъан айыб тюлдю, билмеген айыбды.
- Ауругъанны сау билмез, ач къарынны токъ билмез.
- Чакъырылгъанны аты, чакъырылмагъанны багъасы болур.
- Эм ашхы къайын ана мамукъ бла башынгы тешер.
- Этни да ашады, бетни да ашады.
- Ишлерге уял да, ашаргъа табма.
- Аякъларынгы джууургъанынга кёре узат.
- Тау башында, тау болмаз, джангыз терек, бау болмаз.
- Ёлюк кебинсиз къалмаз.
- Адамны бетине къарама, адетине къара.
- Джаралыны джастыгъында сау ёлюр.
- Къолу уллу – асыу, аягъы уллу – джарсыу.
- Аш берме да, къаш бер.
- Эки къатын алгъанны къулагъы тынгнгаймаз.
- Шапа кёб болса, аш татымсыз болур.
- Тёзгеннге, джабылгъан эшик ачылыр.
- Чоюнну башы ачыкъ болса, итге уят керекди.
- Адамны сыфатына къарама, сёзюне къара.
- Танг атмайма десе да, кюн къоярыкъ тюйюлдю.
- Окъуусуз билим – джокъ, билимсиз кюнюнг – джокъ.
Ученые открыли новый метод диагностики опухоли мозга
Читают тему (гостей: 1)