- Ишлерге уял да, ашаргъа табма.
- Сютню башын джалагъан къутулур, тюбюн ичген тутулур.
- Рысхы джалгъанды: келген да этер, кетген да этер.
- Битмегеннге сакъал – танг.
- Аманнга алтын чыдамаз.
- Къонакъ аман болса, къонакъбай джунчур
- Кесинге джетмегенни, кёб сёлешме.
- Азыкълы ат арымаз, къатыны аман джарымаз.
- Нафысынгы айтханын этме, намысынгы айтханын эт.
- Тилчиден кери бол.
- Къуру гыбыт бек дыгъырдар.
- Бозаны арты дауур болур.
- Чарсда алчыны эл кёреди.
- Къайтырыкъ эшигинги, къаты уруб чыкъма.
- Байлыкъ келсе, акъыл кетер.
- Сууда джау джокъ, кёб сёзде магъана джокъ.
- Мураты болгъанны джюрек тебюую башхады.
- Къайгъыны сюйген, къайгъы табар.
- Танг атмайма десе да, кюн къоярыкъ тюйюлдю.
- Аман хансны – урлугъу кёб.
- Намыс сатылыб алынмайды.
- Мал тутхан – май джалар.
- Ханнга да келеди хариблик.
- Туз, гырджын аша, тюзлюк бла джаша.
- Адам сёзге тынгыла, акъыл сёзню ангыла.
- Бети – къучакълар, джюреги – бычакълар.
- Айтылгъан сёз ызына къайтмаз.
- Кёрмегеннге кебек – танг, битмегеннге сакъал – танг.
- Къонакъ хазыр болгъанлыкъгъа, къонакъбай хазыр тюлдю.
- Къалгъан ишге къар джауар.
- Иги адамны бир сёзю эки болмаз.
- Ашаса, ашамаса да, бёрюню ауузу – къан.
- Кёл – къызбай, къол – батыр.
- Аууз сакълагъан – джан сакълар.
- Этек чакъмакълары баш джаргъан, сёлешген сёзлери таш джаргъан.
- Ана кёлю – балада, бала кёлю – талада.
- Тёрдеги кюлсе, эшикдеги ышарыр.
- Адамны аты башхача, акъылы да башхады.
- Чёбню кёлтюрсенг, тюбюнден сёз чыгъар.
- Тилде сюек болмаса да, сюек сындырыр.
- Дженгил джетерикме деб, узун джолну къоюб, къысхасын барма.
- Юйюнгден чыкъдынг – кюнюнгден чыкъдынг.
- Зар адамны насыбы болмаз.
- Джырчы джырчыгъа – къарнаш.
- Ауузу бла къуш тута айланады.
- Ариу – кёзге, акъыл – джюрекге.
- Къарт болгъан джерде, берекет болур, сабий болгъан джерде, оюн болур.
- Эртде тургъан джылкъычыны эркек аты тай табар.
- Ишлегенден, къарагъан уста.
- Къызны минг тилер, бир алыр.
Ученые открыли новый метод диагностики опухоли мозга
Читают тему (гостей: 1)