- Ана – юйню кюн джарыгъы.
- Мал ёлсе, сюек къалыр, адам ёлсе, иши къалыр.
- Адамны сыфатына къарама, сёзюне къара.
- Окъдан джара эртде-кеч болса да бителир, сёз джара, ёмюрге къалыр.
- Бет бетге къараса, бет да джерге къарар.
- Аманны эки битли тону болур, бирин сеннге кийдирир, бирин кеси киер.
- Джаханимни кёрмей, джандетге кёл салмазса.
- Мадар болса, къадар болур.
- Аманны тукъумуна къарама, игини тукъумун сорма.
- Илму – джашауну джолу.
- Ёзденликни кёбю ётюрюк.
- Ач, тоймам, дейди, тойгъан, ач болмам, дейди.
- Тамырсыз терекге таянма – джыгъылырса.
- Окъугъанны бети джарыкъ.
- Телиге акъыл салгъандан эсе, ёлгеннге джан салырса.
- Ач къалгъандан, кеч къалгъан къолай.
- Акъдан къара болмаз.
- Игилик игилик бла сингдирилиучю затды.
- Кенгеш болса, уруш болмаз.
- Адамны артындан къара сабан сюрме.
- Рысхы джалгъанды: келген да этер, кетген да этер.
- Эртде тургъан джылкъычыны эркек аты тай табар.
- Ачлыкъда тары гырджын халыуадан татлы.
- Хоншуну тауугъу къаз кёрюнюр, келини къыз кёрюнюр.
- Элде адам къалмаса, ит тахтагъа минер.
- Уясында не кёрсе, учханында аны этер.
- Мухар, кеси тойса да, кёзю тоймаз.
- Алим болгъандан эсе, адам болгъан къыйынды.
- Аджашханны ызындагъы кёреди, джангылгъанны джанындагъы биледи.
- Азыкълы ат арымаз, къатыны аман джарымаз.
- Ашатыргъа иш – ашхы, ишлетирге аш – ашхы.
- Тилчи бир сагъатха айлыкъ хата этер.
- Кёзден кетген, кёлден да кетеди.
- Юреннген ауруу къалмаз.
- Башы джабылгъан челекге, кир тюшмез.
- Биреуню тёрюнден, кесинги эшик артынг игиди.
- Аш кетер да бет къалыр.
- Бети – къучакълар, джюреги – бычакълар.
- Алтыннга тот къонмаз.
- Ашхы болсанг, атынг чыгъар, аман болсанг, джанынг чыгъар.
- Аман къатын алгъан, арыр, иги къатын алгъан джарыр.
- Билим ат болуб да чабар, къуш болуб да учар.
- Нарт сёз къарт болмаз.
- Эки къатын алгъанны къулагъы тынгнгаймаз.
- Окъуусуз билим – джокъ, билимсиз кюнюнг – джокъ.
- Эл ауузу – элек, анга ийнаннган – халек.
- Биреуге аманлыкъны тилеме да, кесинге ашхылыкъны тиле.
- Къошда джокъгъа – юлюш джокъ.
- Тойгъан антын унутур.
- Джаш болсун, къыз болсун, акъылы, саны тюз болсун.
О социальной защите.
23.11.2009 14:13:08
Темы "о социальной защите" удалила.
Достаточно все посты по данной теме скидывать в один топик.
|
||||
|
|
|||
Читают тему (гостей: 1)