Керилген да, ургъан кибикди.
Джахил болса анасы, не билликди баласы?
Иги адам абынса да, джангылмаз.
Татлы тилде – сёз ариу, чемер къолда – иш ариу.
Иесиз малны бёрю ашар.
Эки къатын алгъанны къулагъы тынгнгаймаз.
Ёксюзню тилеги къабыл болур.
Къарт айтханны этмеген, къартаймаз.
Тилсиз миллет джокъ болур.
Ана кёлю – балада, бала кёлю – талада.
Ата Джуртча джер болмаз, туугъан элча эл болмаз.
Мен да «сен», дейме, сен да «кесим», дейсе.
Аз сёлеш, кёб ишле.
Джеринден айырылгъан – джети джылар, джуртундан айырылгъан – ёлгюнчю джылар.
Адебсиз адам – джюгенсиз ат.
Кюл тюбюндеги от кёрюнмейди.
Акъдан къара болмаз.
Ата джурт – алтын бешик.
Сакъалы текени да бар, мыйыгъы киштикни да бар.
Джылыгъа джылан илешир.
Арба аугъандан сора, джол кёргюзтюучю кёб болур.
Аллахдан тилесенг, кёб тиле.
Ёксюзню къалачы уллу кёрюнюр.
Биреу ашаб къутулур, биреу джалаб тутулур.
Эринчекни эр алмаз, эр алса да, кёл салмаз, кёл салса да, кёб бармаз!
Игиге айтсанг – билир, аманнга айтсанг – кюлюр.
Ашлыкъны арба юйге келтирир, чана базаргъа элтир.
Чомартха Тейри да борчлуду.
Узун джолну барсанг, бюгюн келирсе, къысха джолну барсанг, тамбла келирсе.
Чабакъгъа акъыл, табагъа тюшсе келеди.
Тюкюрюк баш джармаз, налат кёз чыгъармаз!
Акъылсызны джууукъгъа алма, акъыллыны кенгнге салма.
Къартны сыйын кёрмеген, къартлыгъында сыйлы болмаз.
Кютгени беш эчки, сызгъыргъаны уа, джерни джарады.
Кесинг сынамагъан затны, адамгъа буюрма.
Билим – акъылны чырагъы.
Дженгил джетерикме деб, узун джолну къоюб, къысхасын барма.
Бек анасы джыламаз.
Биреуге кёлтюрген таягъынг, кесинги башынга урур.
Тюзню ётмеги тюзде къалса да, тас болмаз.
Киштикге къанат битсе, чыпчыкъ къалмаз эди.
Кийимни бичсенг, кенг бич, тар этген къыйын тюлдю.
Ишленмеклик адамлыкъды.
Эки къатын алгъан – эки ташны ортасына башын салгъан.
Азыгъы аз, алгъа къабар, аты аман, алгъа чабар.
Шапа кёб болса, аш татымсыз болур.
Игини сыйлагъан адетди.
Аман къатын алгъан, арыр, иги къатын алгъан джарыр.
Ашхы тенг джолгъа салыр, аман тенг джолдан тайдырыр.
Уллу айтханны этмеген – уллаймаз.
