Къарын къуру болса, джюрек уру болур.
Сакъалы текени да бар, мыйыгъы киштикни да бар.
Аманны тукъумуна къарама, игини тукъумун сорма.
Онгсузну – джакъла, тенгликни – сакъла.
Джангызны оту джарыкъ джанмаз!
Эли джокъну – кёлю джокъ.
Тай асырагъан, атха минер.
Тин – байлыгъынг, терен саулугъунг.
Чёбню кёлтюрсенг, тюбюнден сёз чыгъар.
Кенгеш болса, уруш болмаз.
Миллетни бойну – базыкъ, аны бла кюрешген – джазыкъ.
Адам бла мюлк юлешмеген эсенг, ол адамны билиб бошагъанма, деб кесинги алдама.
Билим – акъылны чырагъы.
Мадар болса, къадар болур.
Кийимни бир кюнню аясанг, минг кюннге джарар.
Татлы тилде – сёз ариу, чемер къолда – иш ариу.
Джаным-тиним – окъуу, билим.
Аджал соруб келмез, келсе, къайтыб кетмез.
Джети тилни билген джети кишиди.
Сыфатында болмагъаны, суратында болмаз.
Тилчиден кери бол.
Къая джолда джортма, ачыкъ сёзден къоркъма.
Къанны къан бла джуума, аманны аман бла къуума.
Ёпкелегенни ашы татлы болады.
Билгенни къолу къарны джандырыр.
Тёрдеги кюлсе, эшикдеги ышарыр.
Айтхан сёзюне табылгъан.
Ат да турмайды бир териде.
Бети бедерден, намыс сакълама.
Къолунгдан къуймакъ ашатсанг да, атаны борчундан къутулмазса.
Адебни адебсизден юрен.
Нёгерсизни джолу узун.
Арпа, будай – ащды, алтын, кюмюш а – ташды.
Тилчи тилден къаныкъмаз.
Ёгюзню мюйюзлери ауурлукъ этмейдиле.
Къарны аманнга къазан такъдырма, къолу аманнга от джакъдырма.
Кёб къычыргъандан – къоркъма, тынч олтургъандан – къоркъ.
Мени джылытмагъан кюн, меннге тиймесин!
Ишни ахырын ойламай, аллын башлама.
Босагъагъа джууукъ орун болса, ашыгъыб тёрге озма.
Магъанасыз сёз – тауушсуз сыбызгъы.
Ачыкъ джюрекге джол – ачыкъ.
Къуру гыбыт бек дыгъырдар.
Биреуню къыйынлыгъы бла кесинге джол ишлеме.
Бетинги сатма, малынгы сат.
Ариу – кёзге, акъыл – джюрекге.
Ишленмеген джаш – джюгенсиз ат, ишленмеген къыз – тузсуз хант.
Харам къарнашдан, халал тенг ашхы.
Келлик заман – къартлыкъ келтирир, кетген заман – джашлыкъ ёлтюрюр.
Бир онгсуз адам адет чыгъарды, деб эштирик тюлсе.
