- Джюз элде джюз ёгюзюм болгъандан эсе, джюз джууугъум болсун.
- Бал чибинни ургъаны – ачы, балы – татлы.
- Хунаны тюбюн къазсанг, юсюнге ауар.
- Байны оноуу, джарлыгъа джарамаз.
- Ашлыкъны арба юйге келтирир, чана базаргъа элтир.
- Тёрени джагъы джокъ.
- Ёнгкюч къууана барыр, джылай келир.
- Джыйырма къойну юч джыйырма эбзе кюте эди.
- Къыйынлы джети элни къайгъысын этер.
- Уллу сёзде уят джокъ.
- Телиге от эт десенг, юйюнге от салыр.
- Тюзлюк шохлукъну бегитир.
- Къууут – джелге, берне – бошха.
- Къайтырыкъ эшигинги, къаты уруб чыкъма.
- Ана кёлю – балада, бала кёлю – талада.
- Чомартны къолун джокълукъ байлар.
- Байдан умут эте, джарлыдан ёгюз багъасы къорады.
- Сууда джау джокъ, кёб сёзде магъана джокъ.
- Агъач халкъгъа алтынды, иссиликге салкъынды.
- Адамны бетине къарама, адетине къара.
- Бастасын ашагъан, хантусун да ичер.
- Термилгенинги табмазса, кюлгенинге тюберсе.
- Тамчы таш тешер.
- Къобан да къуру да къобханлай турмайды, адам да къуру да патчахлай турмайды.
- Эрни эр этерик да, къара джер этерик да, тиширыуду.
- Къаллай салам берсенг, аллай джууаб алырса.
- Аджаллыгъа окъсуз шкок атылыр.
- Тюкюрюк баш джармаз, налат кёз чыгъармаз!
- Къонакъ кёб келюучю юйню, къазаны отдан тюшмез.
- Урама да – ёледи, сатама да – келеди.
- Чабакъгъа акъыл, табагъа тюшсе келеди.
- Билимден уллу байлыкъ джокъду.
- Рысхы джалгъанды: келген да этер, кетген да этер.
- Акъыллы башны – тили къысха.
- Ёзденликни джайгъан – джокълукъ.
- Джахил болса анасы, не билликди баласы?
- От кюйдюрген, сау болса да, тот кюйдюрген, сау болмаз.
- Окъуусуз билим – джокъ, билимсиз кюнюнг – джокъ.
- Бойнуму джети джерден кессенг да, мен ол ишни этеллик тюлме.
- Аман адамны тепсинге олтуртсанг, къызынгы тилер.
- Къарт болгъан джерде, берекет болур, сабий болгъан джерде, оюн болур.
- Ёлюк кебинсиз къалмаз.
- Ата – баланы уясы.
- Мал ёлсе, сюек къалыр, адам ёлсе, иши къалыр.
- Ачылгъан эт джабылыр, кёрген кёз унутмаз.
- Босагъа таш юйге кирмей эди, тыбыр таш эшикге чыкъмай эди.
- Берекет берсин деген джерде, берекет болур.
- Уруну арты – къуру.
- Кёлсюзден сёзсюз тууар.
- Ишленмеген джаш – джюгенсиз ат, ишленмеген къыз – тузсуз хант.
ЛИцензия на копирование и размножение мультфильмов.
Читают тему (гостей: 1)