- Джарашыу сюйген – джалынчакъ.
- Уллу атлама – абынырса, уллу къабма – къарылырса.
- Бал чибинни ургъаны – ачы, балы – татлы.
- Эки къатын алгъан – эки ташны ортасына башын салгъан.
- Байлыкъ адамны сокъур этер.
- Ышармагъан – кюлмез, кюлмеген – къууанчны билмез.
- Ата Джуртча джер болмаз, туугъан элча эл болмаз.
- Кесине гебен этелмеген, биреуге черен эте эди.
- Ёлюр джаннга, ёкюл джокъ.
- Уясында не кёрсе, учханында аны этер.
- Шекер бла туз – бир болмаз, ушамагъан – юй болмаз.
- Тёрде – темир таякълы, къаяда – чыпчыкъ аякълы.
- Къолунгдан къуймакъ ашатсанг да, атаны борчундан къутулмазса.
- Тас болгъан бычакъны сабы – алтын.
- Аууз сакълагъан – джан сакълар.
- Азыгъы аз, алгъа къабар, аты аман, алгъа чабар.
- Адамны аты башхача, акъылы да башхады.
- Ач – эснер, ат – кишнер.
- Кёзюнде тереги болгъан, чёбю болгъаннга кюле эди.
- Зар адамны насыбы болмаз.
- Азыкъ аз болса, эртде орун сал.
- Къая джолда джортма, ачыкъ сёзден къоркъма.
- Аджалсыз ёлюм болмаз.
- Чабар ат – джетген къыз.
- Ёлюк кебинсиз къалмаз.
- Аз сёлешген, къайгъысыз турур.
- Таукел тауну аудурур.
- Иги болса, тамадама – махтау, аман болса, меннге – айыб.
- Ач, тоймам, дейди, тойгъан, ач болмам, дейди.
- Тешигини къатында, чычхан да батыр болур.
- Джаханимни кёрмей, джандетге кёл салмазса.
- Аман киши кеси юйюнде – къонакъ.
- Бичгенде ашыкъма, тикгенде ашыкъ.
- Сёлеш деб шай берген, тохта деб, сом берген.
- Джылкъыдан – ат чыгъар, тукъумдан – джаш чыгъар.
- Джол бла сёзню къыйыры джокъ.
- Биреуге кёлтюрген таягъынг, кесинги башынга урур.
- Къарт болгъан джерде, берекет болур, сабий болгъан джерде, оюн болур.
- Аз сёлеш, кёб ишле.
- Къанны къан бла джуума, аманны аман бла къуума.
- Оюмсуз атлагъан, аджалсыз ёлюр.
- Рысхы – насыбха къор.
- Аман къатын сабий табса, бий болур…
- Ашыкъгъан cуу, тенгизге джетмез.
- Кирсизни – саны таза, халалны – къаны таза.
- Харам къарнашдан, халал тенг ашхы.
- Ишленмеклик адамлыкъды.
- Гитче джилтин уллу элни джандырыр.
- Аманнга алтын чыдамаз.
- Ёгюзню мюйюзлери ауурлукъ этмейдиле.
Культура питания
17.03.2011 23:32:59
[b:c410088d28]Айшат[/b:c410088d28], :smt001
|
|
|
|
Читают тему (гостей: 1)