- Игиге айтсанг – билир, аманнга айтсанг – кюлюр.
- Ёпкелегенни ашы татлы болады.
- Аз сёлешген, къайгъысыз турур.
- Джырчы ёлсе, джыры къалыр.
- Тенги кёбню джау алмаз, акъылы кёбню дау алмаз.
- Азыкълы ат арымаз, къатыны аман джарымаз.
- Акъыллы айтыр эди, акъылсыз къоймайды.
- Тели турса – той бузар.
- Джогъун бар этген, барын бал этген.
- Элни кючю – эмеген.
- Аз айтсам, кёб ангылагъыз.
- Джахил болса анасы, не билликди баласы?
- Тау башында, тау болмаз, джангыз терек, бау болмаз.
- Атадан ёксюз – бир ёксюз, анадан ёксюз – эки ёксюз.
- Байма, деб да, къууанма, джарлыма, деб да, джылама.
- Тил – кесген бычакъ, сёз – атылгъан окъ.
- Битмегеннге сакъал – танг.
- Тойгъа барсанг, тоюб бар, эски тонунгу къоюб бар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джашынгы кесинг юретмесенг, джашау юретир.
- Алим болгъандан эсе, адам болгъан къыйынды.
- Тойгъанлыкъ къойгъа джарашады.
- Юреннген ауруу къалмаз.
- Адебсиз адам – джюгенсиз ат.
- Эл ауузу – элия.
- Малны кют, джерни тюрт.
- Чомартны къолу берекет.
- Кёл ашады да, кеси ашады.
- Ишлегенден, къарагъан уста.
- Хаухну атма, ёнгкючню сатма.
- Ашхы – джыяр, аман – джояр.
- Сёлеш деб шай берген, тохта деб, сом берген.
- Билмезни кёзю кёрмез, этмезни къулагъы эшитмез.
- Тойгъан джерге джети къайт.
- Иесиз малны бёрю ашар.
- Ашха уста, юйюнде болсун
- Кёпюр салгъан кеси ётер, уру къазгъан кеси кетер.
- Тамчы таш тешер.
- Юй ишлеген балта эшикде къалыр.
- Ашхы адам – халкъ байлыгъы, ашхы джер – джашау байлыгъы.
- Тилде сюек болмаса да, сюек сындырыр.
- Кимни – тили, тиши онглу, кимни – къолу, иши онглу.
- Ургъан суудан башынгы сакъла.
- Эринчекни аурууу – кёб.
- Гырджын – тепсини тамадасы.
- Тешик этген тынчды, аны джамагъан къыйынды.
- Баш болса, бёрк табылыр.
- Этек чакъмакълары баш джаргъан, сёлешген сёзлери таш джаргъан.
- Джол бла сёзню къыйыры джокъ.
- Мен да «сен», дейме, сен да «кесим», дейсе.
Культура питания
17.03.2011 23:32:59
[b:c410088d28]Айшат[/b:c410088d28], :smt001
|
|
|
|
Читают тему (гостей: 1)