- Сютню башын джалагъан къутулур, тюбюн ичген тутулур.
- Аллахха ийнаннган кишини, Аллах онгдурур ишин.
- Таш ата билмеген, башына урур.
- Бюгюн дуния кибик, тамбла ахыратды.
- Ойнаб айтсанг да, эслеб айт.
- Акъыллы эркиши атын махтар, акъылсыз эркиши къатынын махтар.
- Кеси юйюмде мен да ханма.
- Айтхан – тынч, этген – къыйын.
- Хар зат кесини орнуна иги.
- Аууздан келген, къолдан келсе, ким да патчах болур эди.
- Магъанасыз сёз – тауушсуз сыбызгъы.
- Тюзлюк шохлукъну бегитир.
- Джаз бир кюнню джатсанг, къыш талай кюнню абынырса.
- Эки итни арасына сюек атма, эки адамны арасында сёз чыгъарма.
- Ачлыкъда тары гырджын халыуадан татлы.
- Мухардан ач ычхынмаз.
- Элде адам къалмаса, ит тахтагъа минер.
- Ат басханны джер билед.
- Ишни ахырын ойламай, аллын башлама.
- Акъыл аздырмаз, билим тоздурмаз.
- Ёлген ийнек сютлю болур.
- Сабий кёргенин унутмаз.
- Къарны аманнга къазан такъдырма, къолу аманнга от джакъдырма.
- Эки элинги тыйсанг, джети элде махталырса.
- Уллу къазанда бишген эт, чий къалмаз.
- Келгинчи, къонакъ уялыр, келгенден сора, къонакъбай уялыр.
- Къайгъы тюбю – тенгиз.
- Тамчы таш тешер.
- Аман къатын алгъан, арыр, иги къатын алгъан джарыр.
- Болджал ишни бёрю ашар.
- Чакъырылгъанны аты, чакъырылмагъанны багъасы болур.
- От этилмеген джерден тютюн чыкъмайды.
- Къарнынг тойгъунчу аша да, белинг талгъынчы ишле.
- Ёмюрлюк шохлукъну джел элтмез.
- Тойгъан антын унутур.
- Ач отунчуну ачыуу – бурнунда.
- Ариуну – ауруу кёб.
- Байлыкъ келсе, акъыл кетер.
- Окъугъан – асыу, окъумагъан – джарсыу.
- Бастасын ашагъан, хантусун да ичер.
- Эм уллу байлыкъ – джан саулукъ.
- Игини сыйлагъан адетди.
- Кёрмегеннге кебек – танг, битмегеннге сакъал – танг.
- Олтуруб кёрюнмей эди да, ёрге туруб кёрюне эди.
- Айырылгъанланы айю ашар, бёлюннгенлени бёрю ашар.
- Намысы джокъну – дуниясы джокъ.
- Ашхы сёз таш тешер.
- Эл элде бирер малынг болгъандан эсе, бирер тенгинг болсун.
- Ашын ашагъанынгы, башын да сыйла.
- Адам сёзге тынгыла, акъыл сёзню ангыла.
У моря (хороший рассказ)
04.02.2009 03:02:18
***
|
|
|
|
04.02.2009 07:22:46
слов нет-одни эмоции )
|
|
|
|
08.02.2009 22:25:49
|
||||
|
|
|||
Читают тему (гостей: 1)