- Терек ауса, отунчу – кёб.
- Арба аугъандан сора, джол кёргюзтюучю кёб болур.
- Джыланны къуйругъундан басарынг келсе, аны башы болгъанын унутма.
- Къартны бурнун сюрт да, оноугъа тут.
- Къонагъы джокъну – шоху джокъ.
- Ачны эсинде – аш.
- Олтуруб кёрюнмей эди да, ёрге туруб кёрюне эди.
- Чомарт джарлы болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Эки элинги тыйсанг, джети элде махталырса.
- Баргъанынга кёре болур келгенинг.
- Тели турса – той бузар.
- Джарлы эскисин джамаса, къууаныр.
- Тынгылагъан тынгы бузар.
- Аз айтсам, кёб ангылагъыз.
- Гитче джилтин уллу элни джандырыр.
- Тюкюрюк баш джармаз, налат кёз чыгъармаз!
- Аз сёлешген, къайгъысыз турур.
- Ёлмесенг да, къарт дамы болмазса?
- Чомартны къолун джокълукъ байлар.
- Бети – къучакълар, джюреги – бычакълар.
- Иги джашны ышаны – аз сёлешиб, кёб тынгылар.
- Башда акъыл болмаса, эки аякъгъа кюч джетер.
- Ётюрюкню башын керти кесер.
- Ётюрюк хапар аякъ тюбю бла джюрюйдю.
- Телини эшигин, махтау джабар.
- Аууз сакълагъан – джан сакълар.
- Аурууну келиую тынч, кетиую – къыйын.
- Алгъанда – джууукъ, бергенде – джау.
- Иги бла джюрюсенг, джетерсе муратынга, аман бла джюрюсенг, къалырса уятха.
- Билим ат болуб да чабар, къуш болуб да учар.
- Къумурсхала джыйылсала, пилни да джыгъадыла.
- Акъылсызны джууукъгъа алма, акъыллыны кенгнге салма.
- Таякъ этден ётер, тил сюекден ётер.
- Кютгени беш эчки, сызгъыргъаны уа, джерни джарады.
- От этилмеген джерден тютюн чыкъмайды.
- Эринчекге кюн узун.
- Элде адам къалмаса, ит тахтагъа минер.
- Акъыллы эркиши атын махтар, акъылсыз эркиши къатынын махтар.
- Тилчи бир сагъатха айлыкъ хата этер.
- Керек ташны ауурлугъу джокъ.
- Ишге юренсин къоллары, халкъ бла болсун джоллары.
- Джаш болсун, къыз болсун, акъылы, саны тюз болсун.
- Алим болгъандан эсе, адам болгъан къыйынды.
- Джангызны оту джарыкъ джанмаз!
- Чалманны аллы къалай башланса, арты да алай барады.
- Адамны адамлыгъы къыйынлыкъда айгъакъланады.
- Сыфатында болмагъаны, суратында болмаз.
- Аджаллыгъа окъсуз шкок атылыр.
- Джол бла сёзню къыйыры джокъ.
У моря (хороший рассказ)
04.02.2009 03:02:18
***
|
|
|
|
04.02.2009 07:22:46
слов нет-одни эмоции )
|
|
|
|
08.02.2009 22:25:49
|
||||
|
|
|||
Читают тему (гостей: 1)