- Тенгни тенглиги джашай барсанг билинир.
- Иги болса, тамадама – махтау, аман болса, меннге – айыб.
- Адеб джокъда, намыс джокъ.
- Юйюнг бла джау болгъандан эсе, элинг бла джау бол.
- Къралынгы – душмандан, башынгы от бла суудан сакъла.
- Акъдан къара болмаз.
- Эл бла кёргенинг эрелей.
- Чомарт къолда мал къалмаз.
- Къарны аманнга къазан такъдырма, къолу аманнга от джакъдырма.
- Экиндини кеч къылсанг, чабыб джетер ашхам.
- Ариу сёз – къылычдан джити.
- Адам сёзге тынгыла, акъыл сёзню ангыла.
- Юй ишлеген балта эшикде къалыр.
- Айырылгъанланы айю ашар, бёлюннгенлени бёрю ашар.
- Хаухну атма, ёнгкючню сатма.
- Халкъны юйю – туугъан джери.
- Этек чакъмакълары баш джаргъан, сёлешген сёзлери таш джаргъан.
- Гитче джилтин уллу элни джандырыр.
- Рысхы – насыбха къор.
- Джуртун къоругъан озар.
- Чыбыкълыкъда бюгюлмеген, къазыкълыкъда бюгюлмей эди.
- Ашхы адам – халкъ байлыгъы, ашхы джер – джашау байлыгъы.
- Келгинчи, къонакъ уялыр, келгенден сора, къонакъбай уялыр.
- Ёксюзню къалачы уллу кёрюнюр.
- Ёлюк кебинсиз къалмаз.
- Намысы джокъну – дуниясы джокъ.
- Тилсиз миллет джокъ болур.
- Ашатыргъа иш – ашхы, ишлетирге аш – ашхы.
- Эринчекни эр алмаз, эр алса да, кёл салмаз, кёл салса да, кёб бармаз!
- Ашхы сёз таш тешер.
- Насыб бютеу халкъны юлюшюдю.
- Билгенни къолу къарны джандырыр.
- Сормай – алма, чакъырылмай – барма.
- Окъугъан – асыу, окъумагъан – джарсыу.
- Ашлыкъны арба юйге келтирир, чана базаргъа элтир.
- Агъач халкъгъа алтынды, иссиликге салкъынды.
- Ургъан суудан башынгы сакъла.
- Игилик игилик бла сингдирилиучю затды.
- Акъыл бла адеб эгизледиле.
- Ашхы тенг джолгъа салыр, аман тенг джолдан тайдырыр.
- Мухарны эси – ашарыкъда.
- Сескекли кесин билдирир.
- Окъугъан озар, окъумагъан тозар.
- Таугъа чыгъаллыкъ эсенг, тюзде къалма.
- Узун джолну барсанг, бюгюн келирсе, къысха джолну барсанг, тамбла келирсе.
- Джюрекден джюрекге джол барды.
- Ёлген аслан – сау чычхан.
- Таукелге нюр джауар.
- Уллу сёзде уят джокъ.
- Ариу сёзде ауруу джокъ.
Ошибаетесь!...))
|
[b:e881ab4e3c]zuu[/b:e881ab4e3c],
|
|||
|
|
|
|
[b:2dc95d743a] Дымка
zuu [/b:2dc95d743a]
материальные интересы нередко сталкивают лбами даже родных...
|
|
|
|
|
|
|||
|
|
|
Читают тему (гостей: 1)