- Хазыр ашха – терен къашыкъ.
- Ачыу алгъа келсе, акъыл артха къалады.
- Ётюрюкчюню шагъаты – къатында.
- Тулпарлыкъ, билекден тюл – джюрекден.
- Тенги кёбню джау алмаз, акъылы кёбню дау алмаз.
- Аманнга да, игиге да оноусуз къатышма.
- Тилчи тилден къаныкъмаз.
- Тай асырагъан, атха минер.
- Ариу – кёзге, акъыл – джюрекге.
- Адам сёзге тынгыла, акъыл сёзню ангыла.
- Ашыкъгъан cуу, тенгизге джетмез.
- Ушамагъан – джукъмаз.
- Къарнынг ауруса, ауузунгу тый
- Юй кюйдю да, кюйюз чыкъды, ортасындан тюйюш чыкъды.
- Тели турса – той бузар.
- Борчунг бар эсе, хурджунунга ойлаб узал.
- Мадар болса, къадар болур.
- Игини сыйлагъан адетди.
- Кёбге таш атма.
- Ашда уялгъан – мухар, ишде уялгъан – хомух.
- Шекер бла туз – бир болмаз, ушамагъан – юй болмаз.
- Намысы болмагъанны, сыйы болмаз.
- Намыс сатылыб алынмайды.
- Джукъу тёшек сайламайды.
- Бюгюн дуния кибик, тамбла ахыратды.
- Къарт айтханны этмеген, къартаймаз.
- Баш – акъыл ючюн, акъылман – халкъ ючюн.
- Ана къойну – балагъа джандет.
- Джаралыны джастыгъында сау ёлюр.
- Ачылгъан эт джабылыр, кёрген кёз унутмаз.
- Къызын тута билмеген, тул этер, джашын тута билмеген, къул этер.
- Байны оноуу, джарлыгъа джарамаз.
- Къонакъ болсанг, ийнакъ бол.
- «Ёгюз, джаргъа джууукъ барма, меннге джюк боллукъса», - дегенди эшек.
- Ашарыкъда сайлагъаннга – чий гырджын.
- Таякъ этден ётер, тил сюекден ётер.
- Тойгъанлыкъ къойгъа джарашады.
- Ёксюзню къалачы уллу кёрюнюр.
- Эринчекге кюн узун.
- Джангыз терек къынгыр ёсер.
- Джаш болсун, къыз болсун, акъылы, саны тюз болсун.
- Айырылмаз джууугъунга, унутмаз сёзню айтма.
- Аман хансны – урлугъу кёб.
- Къарыусузгъа кюлме, онгсузгъа тийме.
- Чомарт къолда мал къалмаз.
- Сёз къанатсыз учар.
- Аманны эки битли тону болур, бирин сеннге кийдирир, бирин кеси киер.
- Ойнай-ойнай кёз чыгъар.
- Ауурну тюбю бла, дженгилни башы бла джюрюген.
- Чомарт къонакъ юй иесин сыйлар.
Ошибаетесь!...))
|
[b:e881ab4e3c]zuu[/b:e881ab4e3c],
|
|||
|
|
|
|
[b:2dc95d743a] Дымка
zuu [/b:2dc95d743a]
материальные интересы нередко сталкивают лбами даже родных...
|
|
|
|
|
|
|||
|
|
|
Читают тему (гостей: 1)