Кеси юйюмде мен да ханма.
Джаз бир кюнню джатсанг, къыш талай кюнню абынырса.
Байлыкъ болгъан джерде, тынчлыкъ джокъду.
Кёл – къызбай, къол – батыр.
Ишлерге уял да, ашаргъа табма.
Келгинчи, къонакъ уялыр, келгенден сора, къонакъбай уялыр.
Сакъламагъан затынга джолукъсанг, не бек къууанаса, не бек ачыйса.
Суу да къайтады чыкъгъан джерине.
Киштикге къанат битсе, чыпчыкъ къалмаз эди.
Узун джолну барсанг, бюгюн келирсе, къысха джолну барсанг, тамбла келирсе.
Окъдан джара эртде-кеч болса да бителир, сёз джара, ёмюрге къалыр.
Къазанчы аман болса, къазаны къайнамаз.
Ана – юйню кюн джарыгъы.
Аманнга игилик этсенг, юйюнге сау бармазса.
Чакъырылмагъан къонакъ къачан кетерин сормаз.
Хаухну атма, ёнгкючню сатма.
Къан бла кирген, джан бла чыгъар.
Уллу атлама – абынырса, уллу къабма – къарылырса.
Билгенни къолу къарны джандырыр.
Хоншуну тауугъу къаз кёрюнюр, келини къыз кёрюнюр.
Аш иеси бла татлыды.
Этни да ашады, бетни да ашады.
Сагъышы джокъ – джукъучу, акъылы джокъ – къаугъачы.
Урама да – ёледи, сатама да – келеди.
Бастасын ашагъан, хантусун да ичер.
Онгсузну – джакъла, тенгликни – сакъла.
Ашхы адам – халкъ байлыгъы, ашхы джер – джашау байлыгъы.
Аз сёлеш, кёб ишле.
Сыфатында болмагъаны, суратында болмаз.
Къыз келсе, джумуш эте келеди, къатын келсе, ушакъ эте келеди.
Ётюрюкню къуйругъу – бир тутум.
Чомартны къолу берекет.
Бал чибинни ургъаны – ачы, балы – татлы.
Акъыл сабырлыкъ берир.
Билмезни кёзю кёрмез, этмезни къулагъы эшитмез.
Элде адам къалмаса, ит тахтагъа минер.
Таукел къуру къалмаз.
Биреу къой излей, биреу той излей.
Хар ишни да аллы къыйынды.
Суугъа – таянма, джаугъа – ийнанма.
Аман хансны – урлугъу кёб.
Ханы къызы буюгъа-буюгъа киштик болду.
Тойгъан антын унутур.
Къатыны харакетли болса, эри къымсыз болур.
Тешик этген тынчды, аны джамагъан къыйынды.
Ишлемеген – тишлемез.
Арпа, будай – ащды, алтын, кюмюш а – ташды.
Кёлю джокъну – джолу джокъ.
Чакъырылгъанны аты, чакъырылмагъанны багъасы болур.
Биреуге кёлтюрген таягъынг, кесинги башынга урур.
