- Ана къойну – балагъа джандет.
- Ариу сёз – джаннга азыкъ, аман сёз – башха къазыкъ.
- Кёл – къызбай, къол – батыр.
- Къатын байлыкъны сюер, эр саулукъну сюер.
- Агъач халкъгъа алтынды, иссиликге салкъынды.
- Нёгерсизни джолу узун.
- Ёлюр джаннга, ёкюл джокъ.
- Тыш элде солтан болгъандан эсе, кесинги элде олтан болгъан игиди!
- Рысхы джалгъанды: келген да этер, кетген да этер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къыз тиширыу кеси юйюнде да къонакъды.
- Чалманны аллы къалай башланса, арты да алай барады.
- Сескекли кесин билдирир.
- Сормай – алма, чакъырылмай – барма.
- Тойгъандан сора, ашны сёкме.
- Болджал ишни бёрю ашар.
- Хар ишни да аллы къыйынды.
- Ашхы тенг джолгъа салыр, аман тенг джолдан тайдырыр.
- Тойгъа алгъа да барма, тойда артха да къалма.
- Ашыкъгъан cуу, тенгизге джетмез.
- Ат басханны джер билед.
- Аманнга игилик этсенг, юйюнге сау бармазса.
- Тёрде – темир таякълы, къаяда – чыпчыкъ аякълы.
- Ач бёрюге мекям джокъ.
- Адамны артындан къара сабан сюрме.
- Чакъырылмагъан джерге барма, чакъырылгъан джерден къалма.
- Сууда джау джокъ, кёб сёзде магъана джокъ.
- Таукел адам тау тешер.
- Байлыкъ болгъан джерде, тынчлыкъ джокъду.
- Тил бла келеди джыр да.
- Ким бла джюрюсенг, аны кёзю бла кёрюнюрсе.
- Къызгъанчдан ычхыныр, мухардан ычхынмаз.
- Киштикге къанат битсе, чыпчыкъ къалмаз эди.
- Къарнынг къанлынга кийирир.
- Бозанг болмагъан джерге, къалагъынгы сукъма.
- Хоншуну тауугъу къаз кёрюнюр, келини къыз кёрюнюр.
- Тойгъанлыкъ къойгъа джарашады.
- Айтылгъан буйрукъ, сёгюлмез
- Эрни эр этерик да, къара джер этерик да, тиширыуду.
- Зар адам ашынгы ашар, кесинги сатар.
- Танг атмайма десе да, кюн къоярыкъ тюйюлдю.
- Окъ къызбайны джокълайды.
- Джаз бир кюнню джатсанг, къыш талай кюнню абынырса.
- Сёз сёзню айтдырыр.
- Джылар джаш, атасыны сакъалы бла ойнар.
- Джигер – джаннга къыйынлыкъ.
- Бастасын ашагъан, хантусун да ичер.
- Байлыкъ адамны сокъур этер.
- Джырчы ёлсе, джыры къалыр.
- Джахил болса анасы, не билликди баласы?
КАК СКАЧАТЬ МУЗЫКУ?
Читают тему (гостей: 1)