- Агъач халкъгъа алтынды, иссиликге салкъынды.
- Аманны къуугъан, аманлыкъ табар.
- Уллу къазанда бишген эт, чий къалмаз.
- Эшекге миннген – биринчи айыб, андан джыгъылгъан – экинчи айыб.
- Айранын берсенг, челегин да къызгъанма.
- Биреу ашаб къутулур, биреу джалаб тутулур.
- Акъыл къартда, джашда тюйюлдю – башдады.
- Адамны сабийин сюйген джюреги, бычакъча, джитиди.
- Джюз элде джюз ёгюзюм болгъандан эсе, джюз джууугъум болсун.
- Къолу уллу – асыу, аягъы уллу – джарсыу.
- Ариу джол аджал келтирмез.
- Ишленмеген джаш – джюгенсиз ат, ишленмеген къыз – тузсуз хант.
- Сабий кёргенин унутмаз.
- Эл бла кёргенинг эрелей.
- Тынгылагъан тынгы бузар.
- Къыз келсе, джумуш эте келеди, къатын келсе, ушакъ эте келеди.
- Дуния мал дунияда къалады.
- Хар зат кесини орнуна иги.
- Хансыз джомакъ болмаз.
- Акъыллы эркиши атын махтар, акъылсыз эркиши къатынын махтар.
- Бозаны арты дауур болур.
- Ана – юйню кюн джарыгъы.
- Окъугъан озар, окъумагъан тозар.
- Узун джолну барсанг, бюгюн келирсе, къысха джолну барсанг, тамбла келирсе.
- Джюрек кёзден алгъа кёрюр.
- Хата – гитчеден.
- Джиби бир къат джетмей эди да, эки къат тарта эди.
- Джети тилни билген джети кишиди.
- Окъумагъан сокъурду, сокъур ташха абыныр!
- Ашхы адам – халкъ байлыгъы, ашхы джер – джашау байлыгъы.
- Кютгени беш эчки, сызгъыргъаны уа, джерни джарады.
- Эр сокъур болсун, къатын тилсиз болсун.
- Ётюрюкчюню шагъаты – къатында.
- Терек ауса, отунчу – кёб.
- Ёлюк кебинсиз къалмаз.
- Алтыда кюлмеген, алтмышда кюлмез.
- Телиге акъыл салгъандан эсе, ёлгеннге джан салырса.
- Къуллукъчума, деб махтанма, къуллукъ – хаух джамчыды!
- Битмегеннге сакъал – танг.
- Къатын къылыкъсыз, эр тынчлыкъсыз.
- Джарлы эскисин джамаса, къууаныр.
- Сескекли кесин билдирир.
- Эллинг бла джау болсанг да, юйюнг бла джау болма.
- Къызын тута билмеген, тул этер, джашын тута билмеген, къул этер.
- Чакъырылмагъан къонакъ къачан кетерин сормаз.
- Алим болгъандан эсе, адам болгъан къыйынды.
- Суу да къайтады чыкъгъан джерине.
- Айырылгъанланы айю ашар, бёлюннгенлени бёрю ашар.
- Сакъ юйюне сау барыр.
- Билимсиз иш бармаз.
КАК СКАЧАТЬ МУЗЫКУ?
Читают тему (гостей: 1)