- Къызгъанчдан ычхыныр, мухардан ычхынмаз.
- Кёбге таш атма.
- Къобан да къуру да къобханлай турмайды, адам да къуру да патчахлай турмайды.
- Джахил болса анасы, не билликди баласы?
- Иги бла джюрюсенг, джетерсе муратынга, аман бла джюрюсенг, къалырса уятха.
- Тили узунну, намысы – къысха.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кёл – къызбай, къол – батыр.
- Кюлме джашха – келир башха.
- Аууз сакълагъан – джан сакълар.
- Илму – джашауну джолу.
- Суу да къайтады чыкъгъан джерине.
- Азыкъ аз болса, эртде орун сал.
- Джарлыны эшигин махтагъан джабар.
- Эринчекге кюн узун.
- Шайтан алдады, тюзлюк къаргъады.
- Рысхы джалгъанды: келген да этер, кетген да этер.
- Джарашыу сюйген – джалынчакъ.
- Мухардан ач ычхынмаз.
- Мал ёлсе, сюек къалыр, адам ёлсе, иши къалыр.
- Къайгъыны сюйген, къайгъы табар.
- Ауругъан – джашаудан умутчу.
- Юйюнгден чыкъдынг – кюнюнгден чыкъдынг.
- Тёрдеги кюлсе, эшикдеги ышарыр.
- Бермеген къол, алмайды.
- Ишлемеген – тишлемез.
- Арба аугъандан сора, джол кёргюзтюучю кёб болур.
- Адамны джюреги нени кёрюрге сюйсе, кёзю да аны кёрюрге ёч болады.
- Тил бла келеди джыр да.
- Сёз садакъдан кючлюдю.
- Ким бла джюрюсенг, аны кёзю бла кёрюнюрсе.
- Агъач – джерни чырайы, кийим – эрни чырайы.
- Кимни – тили, тиши онглу, кимни – къолу, иши онглу.
- Уллу сёлешме да, уллу къаб.
- Бичгенде ашыкъма, тикгенде ашыкъ.
- Ёксюзню тилеги къабыл болур.
- Эллинг бла джау болсанг да, юйюнг бла джау болма.
- Таш ата билмеген, башына урур.
- Накъырда – кертини келечиси.
- Игилик игилик бла сингдирилиучю затды.
- Джашлыкъ этмеген, башлыкъ этмез.
- Къарны аманнга къазан такъдырма, къолу аманнга от джакъдырма.
- Чакъырылмагъан джерге барма, чакъырылгъан джерден къалма.
- Билимли ёлмез, билимсиз кёрмез.
- Тилде сюек болмаса да, сюек сындырыр.
- Башда акъыл болмаса, эки аякъгъа кюч джетер.
- Ач къарным, тынч къулагъым.
- Шекер бла туз – бир болмаз, ушамагъан – юй болмаз.
- Ашхы адам – халкъ байлыгъы, ашхы джер – джашау байлыгъы.
- Тёзгеннге, джабылгъан эшик ачылыр.
КАК СКАЧАТЬ МУЗЫКУ?
Читают тему (гостей: 1)