- Иги адамны бир сёзю эки болмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тил бла келеди джыр да.
- Эл ауузу – элия.
- Рысхы – сют юсюнде кёмюк кибикди.
- Тёрени джагъы джокъ.
- Эрине къаргъыш этген къатын, эрнин къабар.
- Термилгенинги табмазса, кюлгенинге тюберсе.
- Джюрекден джюрекге джол барды.
- Ач бёрюге мекям джокъ.
- Тил джюрекге джол ишлейди.
- Бозанг болмагъан джерге, къалагъынгы сукъма.
- Ойнай билмеген, уруб къачар.
- Ёмюрлюк шохлукъну джел элтмез.
- Ауругъанны сау билмез, ач къарынны токъ билмез.
- Ургъан суудан башынгы сакъла.
- Къарнынг ауруса, ауузунгу тый
- Келинин тута билмеген, къул этер, къызын тута билмеген, тул этер.
- Терслик кетер, тюзлюк джетер.
- Малны кют, джерни тюрт.
- Айран тёгюлсе, джугъусу къалыр.
- Эки къатын алгъанны къулагъы тынгнгаймаз.
- Аман адам элни бир-бирине джау этер.
- Ачны эсинде – аш.
- Джаным-тиним – окъуу, билим.
- Ишленмеген джаш – джюгенсиз ат, ишленмеген къыз – тузсуз хант.
- Кечеси – аяз, кюню – къыш, джарлы къаргъагъа бир аш тюш!
- Къонакъ болсанг, ийнакъ бол.
- Къызын тута билмеген, тул этер, джашын тута билмеген, къул этер.
- Таш ата билмеген, башына урур.
- Адеб базарда сатылмаз.
- Айтылгъан сёз ызына къайтмаз.
- Махтаннган къыз, тойда джукълар.
- Тилде сюек болмаса да, сюек сындырыр.
- Ана кёлю – балада, бала кёлю – талада.
- Уллу сёлешме да, уллу къаб.
- Дуния малгъа сатылма, кесингден телиге къатылма.
- Ашыкъгъан cуу, тенгизге джетмез.
- Акъыл сабырлыкъ берир.
- Бети къызарыучу адамны, джюреги харам болмаз.
- Адеб джокъда, намыс джокъ.
- Тенги кёбню джау алмаз, акъылы кёбню дау алмаз.
- Бек анасы джыламаз.
- Акъыл къартда, джашда тюйюлдю – башдады.
- «Ма», - дегенни билмесенг, «бер», - дегенни билмезсе.
- Эринчекни эр алмаз, эр алса да, кёл салмаз, кёл салса да, кёб бармаз!
- Байны оноуу, джарлыгъа джарамаз.
- Агъач – джерни чырайы, кийим – эрни чырайы.
- Сыфатында болмагъаны, суратында болмаз.
- Ариу джол аджал келтирмез.
КАК СКАЧАТЬ МУЗЫКУ?
Читают тему (гостей: 1)