- Гугурук къычырмаса да, тангны атары къалмаз.
- Билим – акъылны чырагъы.
- Керти сёзге тёре джокъ.
- Эр абынмай, эл танымаз.
- Чыбыкълыкъда бюгюлмеген, къазыкълыкъда бюгюлмей эди.
- Телини эшигин, махтау джабар.
- Къызны минг тилер, бир алыр.
- Джерни букъусу кёкге къонмаз.
- Игиге айтсанг – билир, аманнга айтсанг – кюлюр.
- Илму – джашауну джолу.
- Джыйырма къойну юч джыйырма эбзе кюте эди.
- Тойгъандан сора, ашны сёкме.
- Башынга джетмегенни сорма.
- Нафысынгы айтханын этме, намысынгы айтханын эт.
- Суу да къайтады чыкъгъан джерине.
- Къуллукъчума, деб махтанма, къуллукъ – хаух джамчыды!
- Ашхы болсанг, атынг чыгъар, аман болсанг, джанынг чыгъар.
- Бозаны арты дауур болур.
- Рысхы – насыбха къор.
- Джылар джаш, атасыны сакъалы бла ойнар.
- Къыз чыгъаргъан – къызыл къымжа.
- Туз, гырджын аша, тюзлюк бла джаша.
- Къая джолда джортма, ачыкъ сёзден къоркъма.
- Къралынгы – душмандан, башынгы от бла суудан сакъла.
- Ётюрюкню къуйругъу – бир тутум.
- Ач къалгъандан, кеч къалгъан къолай.
- Татлы тилде – сёз ариу, чемер къолда – иш ариу.
- От этилмеген джерден тютюн чыкъмайды.
- Экиндини кеч къылсанг, чабыб джетер ашхам.
- Аман адам этегингден тутса, кес да къач.
- Окъдан джара эртде-кеч болса да бителир, сёз джара, ёмюрге къалыр.
- Тилчи бир сагъатха айлыкъ хата этер.
- Юреннген ауруу къалмаз.
- Адам сёзюнден белгили.
- Гугук кесини атын айтыб къычыргъанча, мен, мен деб нек тураса?
- Тамырсыз терекге таянма – джыгъылырса.
- Къуру гыбыт бек дыгъырдар.
- Аджаллыгъа окъсуз шкок атылыр.
- Эркишини аманы тиширыуну джылатыр.
- Юйюнгден чыкъдынг – кюнюнгден чыкъдынг.
- Миллетни бойну – базыкъ, аны бла кюрешген – джазыкъ.
- Байлыкъ келсе, акъыл кетер.
- Къонакъны къачан кетерин сорма, къачан келлигин сор.
- Баргъанынга кёре болур келгенинг.
- Ашха уста, юйюнде болсун
- Чомарт бергенин айтмаз.
- Аманнга алтын чыдамаз.
- Адамны аманы адамны бети бла ойнар.
- Келинни – келгинчи, бёркню кийгинчи кёр.
- Ургъан суудан башынгы сакъла.
КАК СКАЧАТЬ МУЗЫКУ?
Читают тему (гостей: 1)