- Бозанг болмагъан джерге, къалагъынгы сукъма.
- Мал кёб болса, джууукъ кёб болур.
- Ёлген аслан – сау чычхан.
- Эри аманны, къатыны – аман.
- Эшекге миннген – биринчи айыб, андан джыгъылгъан – экинчи айыб.
- Хоншуну тауугъу къаз кёрюнюр, келини къыз кёрюнюр.
- Дууулдаса – бал чибин, къонса – къара чибин.
- Тил джюрекге джол ишлейди.
- Оюмсуз атлагъан, аджалсыз ёлюр.
- Азыгъы аз, алгъа къабар, аты аман, алгъа чабар.
- Къызгъанчдан ычхыныр, мухардан ычхынмаз.
- Байма, деб да, къууанма, джарлыма, деб да, джылама.
- Ишленмеген джаш – джюгенсиз ат, ишленмеген къыз – тузсуз хант.
- Тойгъандан сора, ашны сёкме.
- Ашлыкъны арба юйге келтирир, чана базаргъа элтир.
- Гугурук къычырмаса да, тангны атары къалмаз.
- Ханнга да келеди хариблик.
- Бетинги сатма, малынгы сат.
- Телиге акъыл салгъандан эсе, ёлгеннге джан салырса.
- Алтыда кюлмеген, алтмышда кюлмез.
- Къолунгдан къуймакъ ашатсанг да, атаны борчундан къутулмазса.
- Уясында не кёрсе, учханында аны этер.
- Аманны тукъумуна къарама, игини тукъумун сорма.
- Бастасын ашагъан, хантусун да ичер.
- Иши джокъну, сыйы джокъ.
- Айтхан сёзюне табылгъан.
- Ишлемеген – тишлемез.
- Къан бла кирген, джан бла чыгъар.
- Элге къуллукъ этмеген, элге ие болмаз.
- Керек ташны ауурлугъу джокъ.
- Джырчы джырчыгъа – къарнаш.
- Окъдан джара эртде-кеч болса да бителир, сёз джара, ёмюрге къалыр.
- Ач – эснер, ат – кишнер.
- Экеу тутушса, биреу джыгъылыр.
- Таугъа чыгъаллыкъ эсенг, тюзде къалма.
- Агъач – джерни чырайы, кийим – эрни чырайы.
- Ёлюк кебинсиз къалмаз.
- Ёксюзню тилеги къабыл болур.
- Ишлегенден, къарагъан уста.
- Ашына кёре табагъы, балына кёре къалагъы.
- Асхат ашлыкъ сата, юйдегиси ачдан къата.
- Уллу суу бла уллу ауруудан башынгы сакъла.
- Ач къалгъандан, кеч къалгъан къолай.
- Кёбге таш атма.
- Акъыллы айтыр эди, акъылсыз къоймайды.
- Джашда акъыл джокъ, къартда къарыу джокъ.
- Джарлы тюеге минсе да, ит къабар.
- Биреуге аманлыкъ этиб, кесинге игилик табмазса.
- Къолу уллу – асыу, аягъы уллу – джарсыу.
- Ариу сёз аурууунгу алыр.
У ребенка ужасные боли. Лейкодистрофия
Читают тему (гостей: 1)