- Тойгъан антын унутур.
- Нёгер болсанг, тенг бол, тенг болмасанг, кенг бол.
- Тилсиз миллет джокъ болур.
- Таула не мийик болсала да, аууш табылыр.
- Телиге от эт десенг, юйюнге от салыр.
- Гугук кесини атын айтыб къычыргъанча, мен, мен деб нек тураса?
- Ишлерге уял да, ашаргъа табма.
- Айырылгъанланы айю ашар, бёлюннгенлени бёрю ашар.
- Джюрек кёзден алгъа кёрюр.
- Адам туугъан джеринде, ит тойгъан джеринде.
- Къар – келтирди, суу – элтди.
- Джигер – джаннга къыйынлыкъ.
- Билим насыб берир, билим джолну керир.
- Мураты болгъанны джюрек тебюую башхады.
- Джарлы джети элни сёзюн этер.
- Кёб къычыргъандан – къоркъма, тынч олтургъандан – къоркъ.
- Тели турса – той бузар.
- Арыгъан къош чамчы болур.
- Аман адам этегингден тутса, кес да къач.
- Эл бла кёргенинг эрелей.
- Ач къарным, тынч къулагъым.
- Эли джокъну – кёлю джокъ.
- Хансыз джомакъ болмаз.
- Намысы болмагъанны, сыйы болмаз.
- Ишленмеклик адамлыкъды.
- Соргъан айыб тюлдю, билмеген айыбды.
- Сёз сёзню айтдырыр.
- Босагъагъа джууукъ орун болса, ашыгъыб тёрге озма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тенгни тенглиги джашай барсанг билинир.
- Бет бетге къараса, бет да джерге къарар.
- Ханы къызы буюгъа-буюгъа киштик болду.
- Билимден уллу байлыкъ джокъду.
- Ёлген ийнек сютлю болур.
- Джиби бир къат джетмей эди да, эки къат тарта эди.
- Узун джолну барсанг, бюгюн келирсе, къысха джолну барсанг, тамбла келирсе.
- Ишленмеген джаш – джюгенсиз ат, ишленмеген къыз – тузсуз хант.
- Чакъырылгъанны аты, чакъырылмагъанны багъасы болур.
- Джылыгъа джылан илешир.
- Ётюрюкчюню шагъаты – къатында.
- Тенги кёбню джау алмаз, акъылы кёбню дау алмаз.
- Джыгъылгъанны сырты джерден тоймаз.
- Билген билмегенни юретген адетди.
- Чомарт джарлы болмаз.
- Айраннга суу къош, телиге джол бош.
- Ышармагъан – кюлмез, кюлмеген – къууанчны билмез.
- Аман хансны – урлугъу кёб.
- Ишин билген, аны сыйын чыгъарады.
- Хунаны тюбюн къазсанг, юсюнге ауар.
- Джарашыу сюйген – джалынчакъ.
У ребенка ужасные боли. Лейкодистрофия
Читают тему (гостей: 1)