- Керек ташны ауурлугъу джокъ.
- Чомарт къолда мал къалмаз.
- Экеулен сёлеше тура эселе, орталарына барыб кирме.
- Аман къатын алгъан, арыр, иги къатын алгъан джарыр.
- Джюз элде джюз ёгюзюм болгъандан эсе, джюз джууугъум болсун.
- Ат басханны джер билед.
- Элиб деген, элге болушур.
- Джангыз терек къынгыр ёсер.
- Дуния аламаты сен эсенг да, игиме деб айтма.
- Садакъачыны джаны – къапчыгъында.
- Эркишини аманы тиширыуну джылатыр.
- Кёл – къызбай, къол – батыр.
- Миллетни бойну – базыкъ, аны бла кюрешген – джазыкъ.
- Джыланны къуйругъундан басарынг келсе, аны башы болгъанын унутма.
- Хансыз джомакъ болмаз.
- Ишни аллы бла къууанма да, арты бла къууан.
- Айтылгъан буйрукъ, сёгюлмез
- Къонакъ аман болса, къонакъбай джунчур
- Насыблы элин сюер, насыбсыз кесин сюер.
- Аз сёлеш, кёб ишле.
- Джыгъылгъанны сырты джерден тоймаз.
- Ауурну тюбю бла, дженгилни башы бла джюрюген.
- Къарыусузгъа кюлме, онгсузгъа тийме.
- Къатыны харакетли болса, эри къымсыз болур.
- Тил – миллетни джаны.
- Алгъанда – джууукъ, бергенде – джау.
- Битмегеннге сакъал – танг.
- Киштикге къанат битсе, чыпчыкъ къалмаз эди.
- Эл ауузу – элек, анга ийнаннган – халек.
- Адам сёзге тынгыла, акъыл сёзню ангыла.
- Тёрде – темир таякълы, къаяда – чыпчыкъ аякълы.
- Эшекни не къадар тюйсенг да, ат болмаз.
- Ана – юйню кюн джарыгъы.
- Адамны бетине къарама, адетине къара.
- Ёксюзню къалачы уллу кёрюнюр.
- Биреуге кёлтюрген таягъынг, кесинги башынга урур.
- Тойгъа барсанг, тоюб бар, эски тонунгу къоюб бар.
- Билген билмегенни юретген адетди.
- Къыз келсе, джумуш эте келеди, къатын келсе, ушакъ эте келеди.
- Сёз къанатсыз учар.
- Адамгъа аман кюн соруб келмейди.
- Джашлыкъ этмеген, башлыкъ этмез.
- Кёбню кёрген – кёб билир.
- Мухар, кеси тойса да, кёзю тоймаз.
- Хаухну атма, ёнгкючню сатма.
- Сибиртки да сыйлы болду, кюрек да кюнлю болду.
- Иги сеники эсе да, сюйген кесимикин этеме.
- Билмейме деген – бир сёз
- Ашыкъгъан cуу, тенгизге джетмез.
- Уллу суу бла уллу ауруудан башынгы сакъла.
