- Кюн – узун, ёмюр – къысха.
- Ана къойну – балагъа джандет.
- Биреуге аманлыкъны тилеме да, кесинге ашхылыкъны тиле.
- Кесине гебен этелмеген, биреуге черен эте эди.
- Окъугъан – асыу, окъумагъан – джарсыу.
- Аман къатын сабий табса, бий болур…
- Уллу айтханны этмеген – уллаймаз.
- Къарыусузгъа кюлме, онгсузгъа тийме.
- Кёзю сокъурдан – къоркъма, кёлю сокъурдан – къоркъ.
- Къулакъдан эсе, кёзге ышан.
- Кёзню ачылгъаны – иги, ауузну джабылгъаны – иги.
- Ёлюк кебинсиз къалмаз.
- Къонагъы джокъну – шоху джокъ.
- Чакъырылмагъан къонакъ – орунсуз.
- Кёзюнде тереги болгъан, чёбю болгъаннга кюле эди.
- Экеу тутушса, биреу джыгъылыр.
- Зар адам ашынгы ашар, кесинги сатар.
- Биреуню къыйынлыгъы бла кесинге джол ишлеме.
- Кёзден кетген, кёлден да кетеди.
- Къызбайны юйюне дери сюрсенг, батыр болур.
- Эки къатын алгъан – эки ташны ортасына башын салгъан.
- Джыланны къуйругъундан басарынг келсе, аны башы болгъанын унутма.
- Эллинг бла джау болсанг да, юйюнг бла джау болма.
- Хатерли къул болур.
- Эшекни не къадар тюйсенг да, ат болмаз.
- Гугук кесини атын айтыб къычыргъанча, мен, мен деб нек тураса?
- Сагъышы джокъ – джукъучу, акъылы джокъ – къаугъачы.
- Аш кетер да бет къалыр.
- Ариу сёз аурууунгу алыр.
- Ёпкелегенни ашы татлы болады.
- Билген билмегенни юретген адетди.
- Кёб къычыргъандан – къоркъма, тынч олтургъандан – къоркъ.
- Эли джокъну – кёлю джокъ.
- Ёгюзню мюйюзюнден тутадыла, адамны сёзюнден тутадыла.
- Айныгъанлы алты кюн, тогъайгъанлы тогъуз кюн.
- Ичимден чыкъды хата, къайры барайым сата?
- Сёз сёзню айтдырыр.
- Чабакъсыз кёлге къармакъ салгъанлыкъгъа, чабакъ тутмазса.
- Тели турса – той бузар.
- Чыбыкълыкъда бюгюлмеген, къазыкълыкъда бюгюлмей эди.
- Ашатыргъа иш – ашхы, ишлетирге аш – ашхы.
- Ачлыкъда тары гырджын халыуадан татлы.
- Тамырсыз терекге таянма – джыгъылырса.
- Кёкдеги болмаса, джердегин кёрмейди.
- Уллу сёзде уят джокъ.
- Ач отунчуну ачыуу – бурнунда.
- Сакъламагъан затынга джолукъсанг, не бек къууанаса, не бек ачыйса.
- Ат да турмайды бир териде.
- Билим къая тешер.
- Аман киши кеси юйюнде – къонакъ.
Открылся новый магазин Аль-Халяль в санкт-петербурге
Читают тему (гостей: 1)