- Ачлыкъда тары гырджын халыуадан татлы.
- Ауругъанны сау билмез, ач къарынны токъ билмез.
- Ойнай билмеген, уруб къачар.
- Аман къатын алгъан, арыр, иги къатын алгъан джарыр.
- Чарсда алчыны эл кёреди.
- Эки элинги тыйсанг, джети элде махталырса.
- Иесиз малны бёрю ашар.
- Иги сёз – джаннга азыкъ, аман сёз башха – къазыкъ.
- Атлыны кёрсе, джаяуну буту талыр.
- Тилчиден кери бол.
- Тойгъан джерден туугъан джер игиди.
- Игиге айтсанг – билир, аманнга айтсанг – кюлюр.
- Башда акъыл болмаса, эки аякъгъа кюч джетер.
- Келинни – келгинчи, бёркню кийгинчи кёр.
- Биреуге аманлыкъны тилеме да, кесинге ашхылыкъны тиле.
- Бермеген къол, алмайды.
- Байдан умут эте, джарлыдан ёгюз багъасы къорады.
- Иги болса, тамадама – махтау, аман болса, меннге – айыб.
- Къонакъ хазыр болгъанлыкъгъа, къонакъбай хазыр тюлдю.
- Булут кёкге джарашыу, уят бетге джарашыу.
- Ёлген эшек бёрюден къоркъмайды.
- Тили узунну, намысы – къысха.
- Къартны бурнун сюрт да, оноугъа тут.
- Тёзгеннге, джабылгъан эшик ачылыр.
- Ёгюзню мюйюзюнден тутадыла, адамны сёзюнден тутадыла.
- Бети къызарыучу адамны, джюреги харам болмаз.
- Башы ишлегенни, ауузу да ишлер.
- Керек ташны ауурлугъу джокъ.
- Татлы сёз – балдан татлы.
- Ашыкъгъанны этеги бутуна чырмалыр.
- Тыш элде солтан болгъандан эсе, кесинги элде олтан болгъан игиди!
- Байны къызы баймакъ болса да, юйде къалмаз!
- Иги адам абынса да, джангылмаз.
- Ашыкъгъан cуу, тенгизге джетмез.
- Ариу сёз аурууунгу алыр.
- Элде адам къалмаса, ит тахтагъа минер.
- Ариу сёз джыланны орнундан чыгъарыр.
- Эл элде бирер малынг болгъандан эсе, бирер тенгинг болсун.
- Тёрени джагъы джокъ.
- Итли къонакъ джарашмаз.
- Окъуусуз билим – джокъ, билимсиз кюнюнг – джокъ.
- Кечеси – аяз, кюню – къыш, джарлы къаргъагъа бир аш тюш!
- Айырылмаз джууугъунга, унутмаз сёзню айтма.
- Ашын ашагъанынгы, башын да сыйла.
- Эр сокъур болсун, къатын тилсиз болсун.
- Адеб джокъда, намыс джокъ.
- Къарт болгъан джерде, берекет болур, сабий болгъан джерде, оюн болур.
- Чакъырылгъанны аты, чакъырылмагъанны багъасы болур.
- Аманнга да, игиге да оноусуз къатышма.
- Намыс болмагъан джерде, насыб болмаз.
Открылся новый магазин Аль-Халяль в санкт-петербурге
Читают тему (гостей: 1)