- Къолу уллу – асыу, аягъы уллу – джарсыу.
- Джарлы тюеге минсе да, ит къабар.
- Уллу сёзде уят джокъ.
- Къонакъ болсанг, ийнакъ бол.
- Къарын къуру болса, джюрек уру болур.
- Акъыл неден да кючлюдю.
- Ачлыкъда тары гырджын халыуадан татлы.
- Башы джабылгъан челекге, кир тюшмез.
- Джангыз терек къынгыр ёсер.
- Джашлыкъ этмеген, башлыкъ этмез.
- Кёпюр салгъан кеси ётер, уру къазгъан кеси кетер.
- Алтыннга тот къонмаз.
- Байдан умут эте, джарлыдан ёгюз багъасы къорады.
- Чёбню кёлтюрсенг, тюбюнден сёз чыгъар.
- Чабар ат – джетген къыз.
- Тюзлюк шохлукъну бегитир.
- Ана кёлю – балада, бала кёлю – талада.
- Адам боллукъ, атламындан белгили болур.
- Къартха ушагъан джаш – акъыллы, джашха ушагъан къарт – тели.
- Ётюрюк хапар аякъ тюбю бла джюрюйдю.
- Соргъан айыб тюлдю, билмеген айыбды.
- Чомартны къолу берекет.
- Бети – къучакълар, джюреги – бычакълар.
- Шекер бла туз – бир болмаз, ушамагъан – юй болмаз.
- Сормай – алма, чакъырылмай – барма.
- Адамны артындан къара сабан сюрме.
- Минг тенг да азды, бир джау да кёбдю.
- Джырына кёре эжиую.
- Таукел тауну аудурур.
- Башынга джетмегенни сорма.
- Ёксюзню тилеги къабыл болур.
- Дууулдаса – бал чибин, къонса – къара чибин.
- Ауругъаннга – кийик саулукъ, джетген къызгъа – чилле джаулукъ.
- Ойнай билмеген, уруб къачар.
- Насыблы элин сюер, насыбсыз кесин сюер.
- Ач бёрюге мекям джокъ.
- Келлик заман – къартлыкъ келтирир, кетген заман – джашлыкъ ёлтюрюр.
- Нёгер болсанг, тенг бол, тенг болмасанг, кенг бол.
- Тешик этген тынчды, аны джамагъан къыйынды.
- Адамны сыфатына къарама, сёзюне къара.
- Ёлюк кебинсиз къалмаз.
- Билими азны – ауузунда кирит.
- Уллу къазанда бишген эт, чий къалмаз.
- Танг атмайма десе да, кюн къоярыкъ тюйюлдю.
- Биреуню тёрюнден, кесинги эшик артынг игиди.
- Аджалсыз ёлюм болмаз.
- Ётюрюкден тюбю джокъ, кёлтюрюрге джиби джокъ.
- Айранын берсенг, челегин да къызгъанма.
- Аш берме да, къаш бер.
- Сакъ юйюне сау барыр.
РЕЗУЛЬТАТЫ ВЫБОРОВ В СОВЕТ ФОРУМА 2010
Читают тему (гостей: 1)