- Иги бла джюрюсенг, джетерсе муратынга, аман бла джюрюсенг, къалырса уятха.
- Ёлген эшек бёрюден къоркъмайды.
- Чоюнну башы ачыкъ болса, итге уят керекди.
- Мухарны эси – ашарыкъда.
- Душманны тышы – акъ, ичи – къара.
- Мал ёлсе, сюек къалыр, адам ёлсе, иши къалыр.
- Окъдан джара эртде-кеч болса да бителир, сёз джара, ёмюрге къалыр.
- Ашда – бёрю, ишде – ёлю.
- Къарнынг къанлынга кийирир.
- Эртде тургъан бла эртде юйленнген сокъуранмаз.
- Эм уллу байлыкъ – джан саулукъ.
- Къыз тиширыу кеси юйюнде да къонакъды.
- Байлыкъ келсе, акъыл кетер.
- Джумушакъ терекни къурт ашар.
- Эл тойса, тоймагъан, эл къойса, къоймагъан.
- Экеулен сёлеше тура эселе, орталарына барыб кирме.
- Ач бёрюге мекям джокъ.
- Бюгюн дуния кибик, тамбла ахыратды.
- Ана – юйню кюн джарыгъы.
- Биреуню къыйынлыгъы бла кесинге джол ишлеме.
- Окъумагъан сокъурду, сокъур ташха абыныр!
- Нарт сёз къарт болмаз.
- Ана къойну – балагъа джандет.
- Ачлыкъда тары гырджын халыуадан татлы.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Хар адамгъа кеси миннген тау кибик.
- Магъанасыз сёз – тауушсуз сыбызгъы.
- Баш – акъыл ючюн, акъылман – халкъ ючюн.
- Ариу сёз – къылычдан джити.
- Кюл тюбюндеги от кёрюнмейди.
- Акъыллы – эл иеси, тели – эл баласы.
- Билимден уллу байлыкъ джокъду.
- Айранны сюйген, ийнек тутар.
- Гитче джилтин уллу элни джандырыр.
- Бозанг болмагъан джерге, къалагъынгы сукъма.
- Аш берме да, къаш бер.
- Айырылмаз джууугъунга, унутмаз сёзню айтма.
- Джигер – джаннга къыйынлыкъ.
- Ач уят къоймаз.
- Къатын байлыкъны сюер, эр саулукъну сюер.
- Ашхы сёз таш тешер.
- Билими азны – ауузунда кирит.
- Ашын ашагъанынгы, башын да сыйла.
- Кирсизни – саны таза, халалны – къаны таза.
- Садакъачыны джаны – къапчыгъында.
- Къаллай салам берсенг, аллай джууаб алырса.
- Ауузу бла къуш тута айланады.
- Биреуню эскиси биреуге джангы болмайды.
- Джангызны оту джарыкъ джанмаз!
- Ауругъан – джашаудан умутчу.
РЕЗУЛЬТАТЫ ВЫБОРОВ В СОВЕТ ФОРУМА 2010
Читают тему (гостей: 1)