- Эки элинги тыйсанг, джети элде махталырса.
- Ашда уялгъан – мухар, ишде уялгъан – хомух.
- Иги – алгъыш этер, аман – къаргъыш этер.
- Аман киши кеси юйюнде – къонакъ.
- Эли джокъну – кёлю джокъ.
- Джарлыны тону джаз битер.
- Чоюнну башы ачыкъ болса, итге уят керекди.
- Тил джюрекге джол ишлейди.
- Джырчы джырчыгъа – къарнаш.
- Мал тутхан – май джалар.
- Адеб этмеген, адеб кёрмез.
- Рысхысына кёре, джаш ёсер, къышлыгъына кёре, мал ёсер.
- Юй ишлеген балта эшикде къалыр.
- Айыбны суу бла джууалмазса.
- Биреуге аманлыкъны тилеме да, кесинге ашхылыкъны тиле.
- Бети къызарыучу адамны, джюреги харам болмаз.
- Телини эшигин, махтау джабар.
- Билгенни къолу къарны джандырыр.
- Ишленмеклик адамлыкъды.
- Джети тилни билген джети кишиди.
- Хансыз джомакъ болмаз.
- Къыз келсе, джумуш эте келеди, къатын келсе, ушакъ эте келеди.
- Адам къыйынлыгъын кёлтюрюр, зауукълугъун кёлтюрмез.
- Махтаннган къыз, тойда джукълар.
- Аман адам элни бир-бирине джау этер.
- Келгинчи, къонакъ уялыр, келгенден сора, къонакъбай уялыр.
- Байны оноуу, джарлыгъа джарамаз.
- Къонагъынгы артмагъын алма да, алгъышын ал.
- Агъач – джерни чырайы, кийим – эрни чырайы.
- Ишни аллы бла къууанма да, арты бла къууан.
- Элиб деген, элге болушур.
- Хоншуну тауугъу къаз кёрюнюр, келини къыз кёрюнюр.
- Кютгени беш эчки, сызгъыргъаны уа, джерни джарады.
- Ашлыкъ – бюртюкден, джюн – тюкден.
- Билмейме деген – бир сёз
- Аман къатын алгъан, арыр, иги къатын алгъан джарыр.
- Баш – акъыл ючюн, акъылман – халкъ ючюн.
- Ашарыкъда сайлагъаннга – чий гырджын.
- Сёлеш деб шай берген, тохта деб, сом берген.
- Келлик заман – къартлыкъ келтирир, кетген заман – джашлыкъ ёлтюрюр.
- Татлы тилде – сёз ариу, чемер къолда – иш ариу.
- Джаш болсун, къыз болсун, акъылы, саны тюз болсун.
- Чакъырылмагъан къонакъ – орунсуз.
- Чомартны къолу берекет.
- Айранны сюйген, ийнек тутар.
- Юреннген ауруу къалмаз.
- Кюл тюбюндеги от кёрюнмейди.
- Ач бёрюге мекям джокъ.
- Ёксюзню къалачы уллу кёрюнюр.
- Акъыллы – эл иеси, тели – эл баласы.
Ислам-другая точка зрения. Встреча 3.
|
п.с. это уже завтра будет, если что!
|
||||
|
|
|
|||
Читают тему (гостей: 1)