- Тюзлюк шохлукъну бегитир.
- Этни да ашады, бетни да ашады.
- Гугук кесини атын айтыб къычыргъанча, мен, мен деб нек тураса?
- Оюмсуз атлагъан, аджалсыз ёлюр.
- Бир абыннган – минг сюрюнюр.
- Джаралыны джастыгъында сау ёлюр.
- Алтыда кюлмеген, алтмышда кюлмез.
- Ашхы – джыяр, аман – джояр.
- Ёзденликни кёбю ётюрюк.
- Айраннга суу къош, телиге джол бош.
- Зар адамны насыбы болмаз.
- Ёгюзню мюйюзюнден тутадыла, адамны сёзюнден тутадыла.
- Мен да «сен», дейме, сен да «кесим», дейсе.
- Тюз сёз баргъан сууну тыяр.
- Ишин билген, аны сыйын чыгъарады.
- Къызын тута билмеген, тул этер, джашын тута билмеген, къул этер.
- Эр абынмай, эл танымаз.
- Онгсузну – джакъла, тенгликни – сакъла.
- Дууулдаса – бал чибин, къонса – къара чибин.
- Таукел тауну аудурур.
- Къобан да къуру да къобханлай турмайды, адам да къуру да патчахлай турмайды.
- Кийиминг бла танылма, адамлыкъ бла таныл.
- Чомарт джарлы болмаз.
- Татлы сёз – балдан татлы.
- Ариу сёз джыланны орнундан чыгъарыр.
- Чёбню кёлтюрсенг, тюбюнден сёз чыгъар.
- Суу кетер, таш къалыр.
- Биреуню къыйынлыгъы бла кесинге джол ишлеме.
- Ётюрюкден тюбю джокъ, кёлтюрюрге джиби джокъ.
- Соргъан айыб тюлдю, билмеген айыбды.
- Аз сёлешген, къайгъысыз турур.
- Аурууну келиую тынч, кетиую – къыйын.
- Бал – татлы, балдан да бала – татлы.
- Чомартха хар кюн да байрамды.
- Эринчекге кюн узун.
- Кёб ант этген, кёб ётюрюк айтыр.
- Ата джурт – алтын бешик.
- Ёнгкюч къууана барыр, джылай келир.
- Аджашхан тёгерек айланыр.
- Ана – юйню кюн джарыгъы.
- Сёз сёзню айтдырыр.
- Адеб джокъда, намыс джокъ.
- Хата – гитчеден.
- Окъдан джара эртде-кеч болса да бителир, сёз джара, ёмюрге къалыр.
- Джырчы джырчыгъа – къарнаш.
- Айран тёгюлсе, джугъусу къалыр.
- Ойнай-ойнай кёз чыгъар.
- Сууда джау джокъ, кёб сёзде магъана джокъ.
- Ичимден чыкъды хата, къайры барайым сата?
- Аман хансны – урлугъу кёб.
Ислам-другая точка зрения. Встреча 3.
30.10.2009 23:08:56
п.с. это уже завтра будет, если что!
|
||||
|
|
|||
Читают тему (гостей: 1)