- Сёз – кюмюш, джыр – алтын.
- Джарлы джети элни сёзюн этер.
- Адамны аманы адамны бети бла ойнар.
- Джашны джигитлиги сорулур, къызны джигерлиги сорулур.
- Ауузу аманнга «иги», деме.
- Ата Джуртуму башы болмасам да, босагъасында ташы болайым.
- Адамны сыфатына къарама, сёзюне къара.
- Джылкъыдан – ат чыгъар, тукъумдан – джаш чыгъар.
- Атлыны ашхысы, ат тизгининден билинир
- Элни кючю – эмеген.
- Биреуню къыйынлыгъы бла кесинге джол ишлеме.
- Бир онгсуз адам адет чыгъарды, деб эштирик тюлсе.
- Сакъламагъан затынга джолукъсанг, не бек къууанаса, не бек ачыйса.
- Тойгъандан сора, ашны сёкме.
- Ач – эснер, ат – кишнер.
- Ойнай билмеген, оюн бузар.
- Ач къалгъандан, кеч къалгъан къолай.
- Суугъа – таянма, джаугъа – ийнанма.
- Кимни – тили, тиши онглу, кимни – къолу, иши онглу.
- Ана кёлю – балада, бала кёлю – талада.
- Эски джаугъа ышанма.
- Сабийни джумушха джибер да, ызындан бар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Гугурук къычырмаса да, тангны атары къалмаз.
- Рысхы – насыбха къор.
- Адамгъа аман кюн соруб келмейди.
- Хансыз джомакъ болмаз.
- Адам къыйынлыгъын кёлтюрюр, зауукълугъун кёлтюрмез.
- Байлыкъ келсе, акъыл кетер.
- Ашда уялгъан – мухар, ишде уялгъан – хомух.
- Аджалсыз ёлюм болмаз.
- Хар адамгъа кеси миннген тау кибик.
- Урама да – ёледи, сатама да – келеди.
- Биреуню тёрюнден, кесинги эшик артынг игиди.
- Билим ат болуб да чабар, къуш болуб да учар.
- Сёлеш деб шай берген, тохта деб, сом берген.
- Билмезни кёзю кёрмез, этмезни къулагъы эшитмез.
- Кюл тюбюндеги от кёрюнмейди.
- Тил бла келеди джыр да.
- Ач келгенни – тойдур, кеч келгенни – къондур.
- Узун джолну барсанг, бюгюн келирсе, къысха джолну барсанг, тамбла келирсе.
- Бал ашаргъа сюе эсенг, чибин ургъаннга тёз.
- Бозаны арты дауур болур.
- Джыгъылгъанны сырты джерден тоймаз.
- Къыйынлы джети элни къайгъысын этер.
- Нарт сёз – тилни бети.
- Кёб къычыргъандан – къоркъма, тынч олтургъандан – къоркъ.
- Орну джокъну – сыйы джокъ.
- Намысы джокъну – дуниясы джокъ.
- Ариу сёз – джаннга азыкъ, аман сёз – башха къазыкъ.
Вниманию тех, кто в Москве! (курсы арабского языка)
Читают тему (гостей: 1)