- Джол бла сёзню къыйыры джокъ.
- Атлыны ашхысы, ат тизгининден билинир
- Джюрек кёзден алгъа кёрюр.
- Биреуге аманлыкъны тилеме да, кесинге ашхылыкъны тиле.
- Суу кетер, таш къалыр.
- Кирсизни – саны таза, халалны – къаны таза.
- Билимли ёлмез, билимсиз кёрмез.
- Джашда акъыл джокъ, къартда къарыу джокъ.
- Ашыкъгъан cуу, тенгизге джетмез.
- Илму – джашауну джолу.
- Тёгюлген тюгел джыйылмайды.
- Сибиртки да сыйлы болду, кюрек да кюнлю болду.
- Адамны джюреги нени кёрюрге сюйсе, кёзю да аны кёрюрге ёч болады.
- Аджалсыз ёлюм болмаз.
- Джети тилни билген джети кишиди.
- Акъыл сабырлыкъ берир.
- Чакъырылмагъан джерге барма, чакъырылгъан джерден къалма.
- Рысхы – насыбха къор.
- Джырчы джырчыгъа – къарнаш.
- Эр сокъур болсун, къатын тилсиз болсун.
- Рысхысына кёре, джаш ёсер, къышлыгъына кёре, мал ёсер.
- «Ёгюз, джаргъа джууукъ барма, меннге джюк боллукъса», - дегенди эшек.
- Къарт болгъан джерде, берекет болур, сабий болгъан джерде, оюн болур.
- Ач уят къоймаз.
- Чомартха хар кюн да байрамды.
- Ёлген аслан – сау чычхан.
- Аджаллыгъа окъсуз шкок атылыр.
- Ёзденликни джайгъан – джокълукъ.
- Тамбла алтындан бюгюн багъыр ашхы.
- Ариу – кёзге, акъыл – джюрекге.
- Къар – келтирди, суу – элтди.
- Аман адам этегингден тутса, кес да къач.
- Билим ат болуб да чабар, къуш болуб да учар.
- Термилгенинги табмазса, кюлгенинге тюберсе.
- Чоюнну башы ачыкъ болса, итге уят керекди.
- Эрине къаргъыш этген къатын, эрнин къабар.
- Сабийни джумушха джибер да, ызындан бар.
- Сормай – алма, чакъырылмай – барма.
- Онгсузну – джакъла, тенгликни – сакъла.
- Къатын къылыкъсыз, эр тынчлыкъсыз.
- Ётюрюкчюню шагъаты – къатында.
- Ишни ахырын ойламай, аллын башлама.
- Ёлмесенг да, къарт дамы болмазса?
- Кюл тюбюндеги от кёрюнмейди.
- Джогъун бар этген, барын бал этген.
- Къан бла кирген, джан бла чыгъар.
- Аджал соруб келмез, келсе, къайтыб кетмез.
- Булут кёкге джарашыу, уят бетге джарашыу.
- Адамгъа аман кюн соруб келмейди.
- Сакъламагъан затынга джолукъсанг, не бек къууанаса, не бек ачыйса.
Вниманию тех, кто в Москве! (курсы арабского языка)
Читают тему (гостей: 1)