- Тойчу джашха къарама, къойчу джашха къара.
- Хазыр ашха – терен къашыкъ.
- Байны оноуу, джарлыгъа джарамаз.
- Ата Джуртун танымагъан, атасын да танымаз.
- Къар – келтирди, суу – элтди.
- Ауругъаннга – кийик саулукъ, джетген къызгъа – чилле джаулукъ.
- Бал чибинни ургъаны – ачы, балы – татлы.
- Атынг аманнга чыкъгъандан эсе, джанынг тамагъынгдан чыкъсын.
- Ат басханны джер билед.
- Ёксюзню къалачы уллу кёрюнюр.
- Намыс болмагъан джерде, насыб болмаз.
- Аман къатын сабий табса, бий болур…
- Сабийликде юретмесенг, уллу болса – тюзелмез.
- Къайгъы тюбю – тенгиз.
- Орну джокъну – сыйы джокъ.
- Акъыл аздырмаз, билим тоздурмаз.
- Сабыр джетер муратха, сабырсыз къалыр уятха.
- Адамны джюреги нени кёрюрге сюйсе, кёзю да аны кёрюрге ёч болады.
- Бёрю да ач къалмасын, эчки да ашалмасын.
- Уллу атлама – абынырса, уллу къабма – къарылырса.
- Ишни ахырын ойламай, аллын башлама.
- Ачыу алгъа келсе, акъыл артха къалады.
- Байлыкъ тауусулур, билим тауусулмаз.
- Асхат ашлыкъ сата, юйдегиси ачдан къата.
- Джарлы эскисин джамаса, къууаныр.
- Къарнынг тойгъунчу аша да, белинг талгъынчы ишле.
- Айраннга суу къош, телиге джол бош.
- Ариуну – ауруу кёб.
- Ёлген ийнек сютлю болур.
- Аджаллыгъа окъсуз шкок атылыр.
- Aдам боллукъ, сыфатындан белгили.
- Джаш къарыу бла кючлю, къарт акъыл бла кючлю.
- Тёзген – тёш ашар!
- Байлыкъ адамны сокъур этер.
- Нёгер болсанг, тенг бол, тенг болмасанг, кенг бол.
- Тил бла келеди джыр да.
- Тойгъандан сора, ашны сёкме.
- Ышармагъан – кюлмез, кюлмеген – къууанчны билмез.
- Кесинг сынамагъан затны, адамгъа буюрма.
- Баргъанынга кёре болур келгенинг.
- Арыгъан къош чамчы болур.
- Аманны тукъумуна къарама, игини тукъумун сорма.
- Минг тенг да азды, бир джау да кёбдю.
- Къаллай салам берсенг, аллай джууаб алырса.
- Накъырданы арты керти болур.
- Эки къатын алгъан – эки ташны ортасына башын салгъан.
- Иши джокъну, сыйы джокъ.
- Билгенни къолу къарны джандырыр.
- Байлыкъ келсе, акъыл кетер.
- Чёбню кёлтюрсенг, тюбюнден сёз чыгъар.
НОВЫЙ СОВЕТ ФОРУМОВ. 2010 г.
Читают тему (гостей: 1)