- Ауругъаннга – кийик саулукъ, джетген къызгъа – чилле джаулукъ.
- Эрни эр этерик да, къара джер этерик да, тиширыуду.
- Ёзденликни джайгъан – джокълукъ.
- Нёгер болсанг, тенг бол, тенг болмасанг, кенг бол.
- Акъыллы эркиши атын махтар, акъылсыз эркиши къатынын махтар.
- Кёз – сюйген джерде, къол – ауругъан джерде.
- Акъыл къартда, джашда тюйюлдю – башдады.
- Дуния мал дунияда къалады.
- Байны оноуу, джарлыгъа джарамаз.
- Чомарт джарлы болмаз.
- Билмегенинги, билгеннге сор.
- Тойгъан джерден туугъан джер игиди.
- Эринчекге кюн узун.
- Къар – келтирди, суу – элтди.
- Ёпкелегенни ашы татлы болады.
- «Ёгюз, джаргъа джууукъ барма, меннге джюк боллукъса», - дегенди эшек.
- Нёгерсизни джолу узун.
- Накъырда – кертини келечиси.
- Таукел адам тау тешер.
- Кёл ашады да, кеси ашады.
- Къуру гыбыт бек дыгъырдар.
- Намыс сатылыб алынмайды.
- Тилчи бир сагъатха айлыкъ хата этер.
- Тойгъа алгъа да барма, тойда артха да къалма.
- Эм ашхы къайын ана мамукъ бла башынгы тешер.
- Уллу атлама – абынырса, уллу къабма – къарылырса.
- Юреннген ауруу къалмаз.
- Айранын берсенг, челегин да къызгъанма.
- Ата Джуртча джер болмаз, туугъан элча эл болмаз.
- Къыйынлы джети элге оноу этер.
- Айтхан – тынч, этген – къыйын.
- Суу кетер, таш къалыр.
- Тешик этген тынчды, аны джамагъан къыйынды.
- Ёнгкюч къууана барыр, джылай келир.
- Сууда джау джокъ, кёб сёзде магъана джокъ.
- Джаш къарыу бла кючлю, къарт акъыл бла кючлю.
- Мал кёб болса, джууукъ кёб болур.
- Ойнай билмеген, уруб къачар.
- Тил – кесген бычакъ, сёз – атылгъан окъ.
- Башда акъыл болмаса, эки аякъгъа кюч джетер.
- Эки къатын алгъанны къулагъы тынгнгаймаз.
- Аман эсирсе, юйюн ояр.
- Ханы къызы буюгъа-буюгъа киштик болду.
- Аджал соруб келмез, келсе, къайтыб кетмез.
- Джюз элде джюз ёгюзюм болгъандан эсе, джюз джууугъум болсун.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аууз сакълагъан – джан сакълар.
- Ханнга да келеди хариблик.
- Къаллай салам берсенг, аллай джууаб алырса.
- Тилчиден кери бол.
НОВЫЙ СОВЕТ ФОРУМОВ. 2010 г.
Читают тему (гостей: 1)