- Байлыкъдан саулукъ ашхыды.
- Ётюрюкню башын керти кесер.
- Кирсизни – саны таза, халалны – къаны таза.
- Гугук кесини атын айтыб къычыргъанча, мен, мен деб нек тураса?
- Аллахха ийнаннган кишини, Аллах онгдурур ишин.
- Къарыусузгъа кюлме, онгсузгъа тийме.
- Ашарыкъда сайлагъаннга – чий гырджын.
- Окъ къызбайны джокълайды.
- Мени джылытмагъан кюн, меннге тиймесин!
- Ашхы атаны – джашы ашхы, ашхы ананы – къызы ашхы.
- Къартны сыйын кёрмеген, къартлыгъында сыйлы болмаз.
- Адамны сабийин сюйген джюреги, бычакъча, джитиди.
- Джаш къарыу бла кючлю, къарт акъыл бла кючлю.
- Кёбге таш атма.
- Башсыз урчукъ тюзюне айланмаз.
- Ётюрюкчюню шагъаты – къатында.
- Ишни ахырын ойламай, аллын башлама.
- Къазанны башы ачыкъ болса, итге уят керекди.
- Таугъа чыгъаллыкъ эсенг, тюзде къалма.
- Эринчекни аурууу – кёб.
- Эски джаугъа ышанма.
- Джерни букъусу кёкге къонмаз.
- Сагъышы джокъ – джукъучу, акъылы джокъ – къаугъачы.
- Суугъа – таянма, джаугъа – ийнанма.
- Тюзлюк шохлукъну бегитир.
- Таякъ этден ётер, тил сюекден ётер.
- Этни бети бла шорпасы.
- Намыс сатылыб алынмайды.
- Ауузу аманнга «иги», деме.
- Таш ата билмеген, башына урур.
- Эл бла кёргенинг эрелей.
- Бастасын ашагъан, хантусун да ичер.
- Адамны адамлыгъы къыйынлыкъда айгъакъланады.
- Биреуню къыйынлыгъы бла кесинге джол ишлеме.
- Келинин тута билмеген, къул этер, къызын тута билмеген, тул этер.
- Намысы болмагъанны, сыйы болмаз.
- Харам къарнашдан, халал тенг ашхы.
- Байны оноуу, джарлыгъа джарамаз.
- Баланы адам этген анады.
- Бюгюн дуния кибик, тамбла ахыратды.
- Аш берме да, къаш бер.
- Кёлю джокъну – джолу джокъ.
- Ёлюр джаннга, ёкюл джокъ.
- Джолунга кёре – джюрюшюнг, джагъанга кёре – юлюшюнг.
- Эрни эр этерик да, къара джер этерик да, тиширыуду.
- Кесине гебен этелмеген, биреуге черен эте эди.
- Сютню башын джалагъан къутулур, тюбюн ичген тутулур.
- Аманны къуугъан, аманлыкъ табар.
- Эм ашхы къайын ана мамукъ бла башынгы тешер.
- Ауругъаннга – кийик саулукъ, джетген къызгъа – чилле джаулукъ.
НОВЫЙ СОВЕТ ФОРУМОВ. 2010 г.
Читают тему (гостей: 1)