- Нёгер болсанг, тенг бол, тенг болмасанг, кенг бол.
- Баш болса, бёрк табылыр.
- Джаз бир кюнню джатсанг, къыш талай кюнню абынырса.
- Къазанда болса, чолпугъа чыгъар.
- Эллинг бла джау болсанг да, юйюнг бла джау болма.
- Ашаса, ашамаса да, бёрюню ауузу – къан.
- Къонагъынгы артмагъын алма да, алгъышын ал.
- Ханы къызы буюгъа-буюгъа киштик болду.
- Термилгенинги табмазса, кюлгенинге тюберсе.
- Ашыкъгъанны этеги бутуна чырмалыр.
- Борчунг бар эсе, хурджунунга ойлаб узал.
- Къозулугъунда тоймагъан, къойлугъунда тоймаз.
- Сёз – кюмюш, джыр – алтын.
- Эл ауузу – элия.
- Алма терегинден кери кетмез.
- Орундукъ тюбюнде атылсам да, орта джиликме, де да айлан.
- Тойгъан джерге джети къайт.
- Биреу ашаб къутулур, биреу джалаб тутулур.
- Аман эсирсе, юйюн ояр.
- Тынгылагъан тынгы бузар.
- Босагъа таш юйге кирмей эди, тыбыр таш эшикге чыкъмай эди.
- Аджашханны ызындагъы кёреди, джангылгъанны джанындагъы биледи.
- Азыкъ аз болса, эртде орун сал.
- Ач къарным, тынч къулагъым.
- Адамны сабийин сюйген джюреги, бычакъча, джитиди.
- Къолу уллу – асыу, аягъы уллу – джарсыу.
- Ашхылыкъ джерде джатмайды, аманлыкъ суугъа батмайды.
- Асхат ашлыкъ сата, юйдегиси ачдан къата.
- Акъыллы – эл иеси, тели – эл баласы.
- Ариу сёз – джаннга азыкъ, аман сёз – башха къазыкъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Чомартха хар кюн да байрамды.
- Алгъанда – джууукъ, бергенде – джау.
- Мураты болгъанны джюрек тебюую башхады.
- Ким бла джюрюсенг, аны кёзю бла кёрюнюрсе.
- Биреуню къыйынлыгъы бла кесинге джол ишлеме.
- Башсыз урчукъ тюзюне айланмаз.
- Ёксюзню тилеги къабыл болур.
- Башланнган иш битер, къымылдагъан тиш тюшер.
- Таш ата билмеген, башына урур.
- Этим кетсе да, сюегим къалыр.
- Эр абынмай, эл танымаз.
- Игини сыйлагъан адетди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Таукел къуру къалмаз.
- Ариу – кёзге, акъыл – джюрекге.
- Ётген ёмюр – акъгъан суу.
- Чабакъгъа акъыл, табагъа тюшсе келеди.
- Тик ёргени, тик энгишгеси да болады.
- Чыбыкълыкъда бюгюлмеген, къазыкълыкъда бюгюлмей эди.
