- Тил бла келеди джыр да.
- Ариу сёз аурууунгу алыр.
- Чакъырылгъанны аты, чакъырылмагъанны багъасы болур.
- Кютгени беш эчки, сызгъыргъаны уа, джерни джарады.
- Соргъан айыб тюлдю, билмеген айыбды.
- Юре билмеген ит, къонакъ келтирир.
- Кёб джат да, бек чаб.
- Къоркъакъны кёзю экили кёрюр.
- Кёз – сюйген джерде, къол – ауругъан джерде.
- Аякъларынгы джууургъанынга кёре узат.
- Билим къая тешер.
- Ариу сёзде ауруу джокъ.
- Сакъ юйюне сау барыр.
- Юй ишлеген балта эшикде къалыр.
- Халкъны джырын джырласанг, халкъ санга эжиу этер.
- Этни бети бла шорпасы.
- Ханнга да келеди хариблик.
- Къумурсхала джыйылсала, пилни да джыгъадыла.
- Ач къарным, тынч къулагъым.
- Тешик этген тынчды, аны джамагъан къыйынды.
- Биреуге аманлыкъ этиб, кесинге игилик табмазса.
- Окъугъан озар, окъумагъан тозар.
- Дуния малгъа сатылма, кесингден телиге къатылма.
- Таугъа чыгъаллыкъ эсенг, тюзде къалма.
- Къонакъ кёб келюучю юйню, къазаны отдан тюшмез.
- Кеси юйюмде мен да ханма.
- Урунуу – насыбны анасы.
- Хар ишни да аллы къыйынды.
- Сабийликде юретмесенг, уллу болса – тюзелмез.
- Айраннга суу къош, телиге джол бош.
- Таукелге нюр джауар.
- Къарнынг бла ёч алма.
- Биреуню къыйынлыгъы бла кесинге джол ишлеме.
- Чомартны къолу берекет.
- Суугъа – чабакъ, къаягъа – ыргъакъ.
- Тин – байлыгъынг, терен саулугъунг.
- Билеги кючлю, бирни джыгъар, билими кючлю, мингни джыгъар.
- Иги сёз – джаннга азыкъ, аман сёз башха – къазыкъ.
- Атлыны ашхысы, ат тизгининден билинир
- Ёзденликни кёбю ётюрюк.
- Бастасын ашагъан, хантусун да ичер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къарыусузгъа кюлме, онгсузгъа тийме.
- Джиби бир къат джетмей эди да, эки къат тарта эди.
- Ашлыкъны арба юйге келтирир, чана базаргъа элтир.
- Сёз къанатсыз учар.
- Дууулдаса – бал чибин, къонса – къара чибин.
- Кимни – тили, тиши онглу, кимни – къолу, иши онглу.
- Тюзню ётмеги тюзде къалса да, тас болмаз.
- Бал чибинни ургъаны – ачы, балы – татлы.