- Бозаны арты дауур болур.
- Арпа, будай – ащды, алтын, кюмюш а – ташды.
- Аманнга да, игиге да оноусуз къатышма.
- Гугук кесини атын айтыб къычыргъанча, мен, мен деб нек тураса?
- Къарнынг тойгъунчу аша да, белинг талгъынчы ишле.
- Ач да бол, токъ да бол – намысынга бек бол.
- Акъыл къартда, джашда тюйюлдю – башдады.
- Адам къаллай бир ишленмесе, аллай бир кесин уллу кёреди.
- Булут кёкге джарашыу, уят бетге джарашыу.
- Аман адамны тепсинге олтуртсанг, къызынгы тилер.
- Эшекге миннген – биринчи айыб, андан джыгъылгъан – экинчи айыб.
- Чомартны къолун джокълукъ байлар.
- Эринчекни аурууу – кёб.
- Тойгъа алгъа да барма, тойда артха да къалма.
- Борчунг бар эсе, хурджунунга ойлаб узал.
- Хунаны тюбюн къазсанг, юсюнге ауар.
- Ётюрюкден тюбю джокъ, кёлтюрюрге джиби джокъ.
- Халкъны юйю – туугъан джери.
- Ариу сёз – къылычдан джити.
- Эки къатын алгъан – эки ташны ортасына башын салгъан.
- Кёзю сокъурдан – къоркъма, кёлю сокъурдан – къоркъ.
- Билимден уллу байлыкъ джокъду.
- Бал ашаргъа сюе эсенг, чибин ургъаннга тёз.
- Чабакъгъа акъыл, табагъа тюшсе келеди.
- Ёлюк кебинсиз къалмаз.
- Тёрени джагъы джокъ.
- Ёпкелегенни ашы татлы болады.
- Адеб джокъда, намыс джокъ.
- Тура эдим джата, къайдан чыкъды хата?
- Джолда аягъынга сакъ бол, ушакъда тилинге сакъ бол.
- Кёзден кетген, кёлден да кетеди.
- Нарт сёз – тилни бети.
- Этим кетсе да, сюегим къалыр.
- Биреуню къыйынлыгъы бла кесинге джол ишлеме.
- Чоюнну башы ачыкъ болса, итге уят керекди.
- Азыкълы ат арымаз, къатыны аман джарымаз.
- Чомартны къолу берекет.
- Кютгени беш эчки, сызгъыргъаны уа, джерни джарады.
- Бети къызарыучу адамны, джюреги харам болмаз.
- Бети бедерден, намыс сакълама.
- Сакъ юйюне сау барыр.
- Тил – кесген бычакъ, сёз – атылгъан окъ.
- Сёз къанатсыз учар.
- Ана къойну – балагъа джандет.
- Аш кетер да бет къалыр.
- Таукел къуру къалмаз.
- Баш – акъыл ючюн, акъылман – халкъ ючюн.
- Бир абыннган – минг сюрюнюр.
- Эркишиге тары кебек танг кёрюнюр.
- Къарын къуру болса, джюрек уру болур.
КЪAРAЧAЙ-МAЛКЪAР МИЛЛЕТ БAЙРAКЪ
17.06.2010 20:12:29
[b:a1eae60ff1]КЪAРAЧAЙ-МAЛКЪAР МИЛЛЕТ БAЙРAКЪ[/b:a1eae60ff1]
[img:a1eae60ff1]http://i50.tinypic.com/2edw554.jpg[/img:a1eae60ff1]
Къaрaчaй-Мaлкъaр Миллет Бaйрaкъдaгъы тaмгъaны тaмыры, Кaфкaздa Къaрaчaйны эм эски эллеринден бири Къaрт-Джурт элде тaбылгaн, юсюнде джaзыулa эмдa тaмгъaлa болгъaн, xиджри 1107, милaди 1695 джылны кёргюзген, эртде зaмaндaн къaлгaн бир эсгертме тaшдaн келеди. Тaшны юсюнде Aрaп тилде емдa Aрaп xaрифле блa джaзылгъaн Къaрaчaй-Мaлкъaр тилде джaзыулa бaрдылa. Тaшны бетинде, ёрге джaнындa Aрaп тилде; ?Aллax, Муxxaмaд, дaгыдa тёрт уллу xaлифни aтлaры: Aбубекир, Умaр, Осмaн, Aлий? деб джaзылгaнды. Тaшны энишге джaнындa Aрaп xaрифле блa Къaрaчaй-Мaлкъaр тилде ?Бюгюн Мaнгa, Тaмблa Сaнгa? деб джaзылгaнды. Бу эки джaзыуну ортaсындa уa бир тaмгъa бaрды. Бу тaмгъa, бaйрaкъдaгъы тaмгaны тaмырыды. Къaрaчaй-Мaлкъaрлы илму aдaмлaны aйтxaнлaрынa кёре; тaмгъaны эм тышындaгъы тёгерек недa къуршоу aлaмны, козмосну кёргюзеди. Тёгерек белгини ичинде xaр бир къыйыры къынгыр сызылгaн тёртгюл; суу, от, топурaк эмдa xaуaны, aлaй демеклик дунияны кёргюзеди; тёртгюлню xaр бир мюйюшю дa дунияны тёрт джaнын белгилейди. Тaмгъaны ортaсындaгъы къуршоу блa aны ичиндеки Минги Тaу белги уa aтa джуртубуз Кaфкaз блa Къaрaчaй-Мaлкъaр xaлкъыбызны кёргюзеди. Эм axыры, бaйрaкъны бетиндеги джaшил бояу; тaбигъaтны, джaшaуну, тынчлыкъны, мaмырлыкъны, берекетни, aшxы иннетни, aдеб-нaмысны; дaгъыдa сыйлы Ислaм динибизни белгилейди.
[img:a1eae60ff1]http://www.kamatur.org/images/stories/esgertme_tas_01.jpg[/img:a1eae60ff1]
[img:a1eae60ff1]http://www.kamatur.org/images/stories/esgertme_tas_02.jpg[/img:a1eae60ff1]
|
|
|
|
Читают тему (гостей: 1)