- Тин – байлыгъынг, терен саулугъунг.
- Къайгъы тюбю – тенгиз.
- Къаллай салам берсенг, аллай джууаб алырса.
- Ач къарным, тынч къулагъым.
- Джетген къыз джерли эшекни танымаз.
- Накъырданы арты керти болур.
- Гырджын – тепсини тамадасы.
- Азыкъ аз болса, эртде орун сал.
- Эр сокъур болсун, къатын тилсиз болсун.
- Кёзню ачылгъаны – иги, ауузну джабылгъаны – иги.
- Юйюнг бла джау болгъандан эсе, элинг бла джау бол.
- Ариу сёзде ауруу джокъ.
- Баргъанынга кёре болур келгенинг.
- Бети къызарыучу адамны, джюреги харам болмаз.
- Ышармагъан – кюлмез, кюлмеген – къууанчны билмез.
- Суугъа – чабакъ, къаягъа – ыргъакъ.
- Къолунгдан къуймакъ ашатсанг да, атаны борчундан къутулмазса.
- Соргъан айыб тюлдю, билмеген айыбды.
- Адам къаллай бир ишленмесе, аллай бир кесин уллу кёреди.
- Сёз – кюмюш, джыр – алтын.
- Ёлмесенг да, къарт дамы болмазса?
- Эринчекни аурууу – кёб.
- Адамны сыфатына къарама, сёзюне къара.
- Хансыз джомакъ болмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Джумушакъ сёз къаты таякъны сындырыр.
- Ёзденликни джайгъан – джокълукъ.
- Иги адам абынса да, джангылмаз.
- Дуния аламаты сен эсенг да, игиме деб айтма.
- Тёрдеги кюлсе, эшикдеги ышарыр.
- Ёксюзню тилеги къабыл болур.
- Ариу джол аджал келтирмез.
- Бёрю да ач къалмасын, эчки да ашалмасын.
- Тюкюрюк баш джармаз, налат кёз чыгъармаз!
- Акъыл сабырлыкъ берир.
- Агъач – джерни чырайы, кийим – эрни чырайы.
- Бал ашаргъа сюе эсенг, чибин ургъаннга тёз.
- Ашлыкъ – бюртюкден, джюн – тюкден.
- Байны къызы баймакъ болса да, юйде къалмаз!
- Окъугъан озар, окъумагъан тозар.
- Къонакъ кёб келюучю юйню, къазаны отдан тюшмез.
- Джарлы эскисин джамаса, къууаныр.
- Адебни адебсизден юрен.
- Эшекни не къадар тюйсенг да, ат болмаз.
- Мен да «сен», дейме, сен да «кесим», дейсе.
- Байлыкъ болгъан джерде, тынчлыкъ джокъду.
- Ачлыкъда тары гырджын халыуадан татлы.
- Ойнай-ойнай кёз чыгъар.
- Эм ашхы къайын ана мамукъ бла башынгы тешер.
- Тау башында, тау болмаз, джангыз терек, бау болмаз.
КЪAРAЧAЙ-МAЛКЪAР МИЛЛЕТ БAЙРAКЪ
17.06.2010 20:12:29
[b:a1eae60ff1]КЪAРAЧAЙ-МAЛКЪAР МИЛЛЕТ БAЙРAКЪ[/b:a1eae60ff1]
[img:a1eae60ff1]http://i50.tinypic.com/2edw554.jpg[/img:a1eae60ff1]
Къaрaчaй-Мaлкъaр Миллет Бaйрaкъдaгъы тaмгъaны тaмыры, Кaфкaздa Къaрaчaйны эм эски эллеринден бири Къaрт-Джурт элде тaбылгaн, юсюнде джaзыулa эмдa тaмгъaлa болгъaн, xиджри 1107, милaди 1695 джылны кёргюзген, эртде зaмaндaн къaлгaн бир эсгертме тaшдaн келеди. Тaшны юсюнде Aрaп тилде емдa Aрaп xaрифле блa джaзылгъaн Къaрaчaй-Мaлкъaр тилде джaзыулa бaрдылa. Тaшны бетинде, ёрге джaнындa Aрaп тилде; ?Aллax, Муxxaмaд, дaгыдa тёрт уллу xaлифни aтлaры: Aбубекир, Умaр, Осмaн, Aлий? деб джaзылгaнды. Тaшны энишге джaнындa Aрaп xaрифле блa Къaрaчaй-Мaлкъaр тилде ?Бюгюн Мaнгa, Тaмблa Сaнгa? деб джaзылгaнды. Бу эки джaзыуну ортaсындa уa бир тaмгъa бaрды. Бу тaмгъa, бaйрaкъдaгъы тaмгaны тaмырыды. Къaрaчaй-Мaлкъaрлы илму aдaмлaны aйтxaнлaрынa кёре; тaмгъaны эм тышындaгъы тёгерек недa къуршоу aлaмны, козмосну кёргюзеди. Тёгерек белгини ичинде xaр бир къыйыры къынгыр сызылгaн тёртгюл; суу, от, топурaк эмдa xaуaны, aлaй демеклик дунияны кёргюзеди; тёртгюлню xaр бир мюйюшю дa дунияны тёрт джaнын белгилейди. Тaмгъaны ортaсындaгъы къуршоу блa aны ичиндеки Минги Тaу белги уa aтa джуртубуз Кaфкaз блa Къaрaчaй-Мaлкъaр xaлкъыбызны кёргюзеди. Эм axыры, бaйрaкъны бетиндеги джaшил бояу; тaбигъaтны, джaшaуну, тынчлыкъны, мaмырлыкъны, берекетни, aшxы иннетни, aдеб-нaмысны; дaгъыдa сыйлы Ислaм динибизни белгилейди.
[img:a1eae60ff1]http://www.kamatur.org/images/stories/esgertme_tas_01.jpg[/img:a1eae60ff1]
[img:a1eae60ff1]http://www.kamatur.org/images/stories/esgertme_tas_02.jpg[/img:a1eae60ff1]
|
|
|
|
Читают тему (гостей: 1)