- Къартха ушагъан джаш – акъыллы, джашха ушагъан къарт – тели.
- Келинни – келгинчи, бёркню кийгинчи кёр.
- Хансыз джомакъ болмаз.
- Билимсиз иш бармаз.
- Рысхысына кёре, джаш ёсер, къышлыгъына кёре, мал ёсер.
- Таукел тауну аудурур.
- Къанны къан бла джуума, аманны аман бла къуума.
- Чабар ат – джетген къыз.
- Адамны джюреги нени кёрюрге сюйсе, кёзю да аны кёрюрге ёч болады.
- Джырчы ёлсе, джыры къалыр.
- Кёзю сокъурдан – къоркъма, кёлю сокъурдан – къоркъ.
- Окъуу – билимни ачхычы, окъуу – дунияны бачхычы.
- Огъурлуну сёзю – суу, огъурсузну сёзю – уу.
- Билеги кючлю, бирни джыгъар, билими кючлю, мингни джыгъар.
- Ашхы атаны – джашы ашхы, ашхы ананы – къызы ашхы.
- Айтхан сёзюне табылгъан.
- Тик ёргени, тик энгишгеси да болады.
- Ашына кёре табагъы, балына кёре къалагъы.
- Баргъанынга кёре болур келгенинг.
- Ач уят къоймаз.
- Чабакъгъа акъыл, табагъа тюшсе келеди.
- Ёлген аслан – сау чычхан.
- Сабийни джумушха джибер да, ызындан бар.
- Башланнган иш битер, къымылдагъан тиш тюшер.
- Азыкъ аз болса, эртде орун сал.
- Кёб къычыргъандан – къоркъма, тынч олтургъандан – къоркъ.
- Бек анасы джыламаз.
- Биреуню эскиси биреуге джангы болмайды.
- Хар адамгъа кеси миннген тау кибик.
- Суугъа – таянма, джаугъа – ийнанма.
- Акъдан къара болмаз.
- Къартны сыйын кёрмеген, къартлыгъында сыйлы болмаз.
- Эркишини аманы тиширыуну джылатыр.
- Джарлы тюеге минсе да, ит къабар.
- Ачлыкъ отха секиртир.
- Гитче джилтин уллу элни джандырыр.
- Аман къатын сабий табса, бий болур…
- «Ма», - дегенни билмесенг, «бер», - дегенни билмезсе.
- Накъырданы арты керти болур.
- Мал ёлсе, сюек къалыр, адам ёлсе, иши къалыр.
- Джигер – джаннга къыйынлыкъ.
- Халкъны джырын джырласанг, халкъ санга эжиу этер.
- Байма, деб да, къууанма, джарлыма, деб да, джылама.
- Аз сёлеш, кёб ишле.
- Илму – джашауну джолу.
- Намысы джокъну – дуниясы джокъ.
- Ишленмеген джаш – джюгенсиз ат, ишленмеген къыз – тузсуз хант.
- Экиндини кеч къылсанг, чабыб джетер ашхам.
- Хата – гитчеден.
- Кийимни бир кюнню аясанг, минг кюннге джарар.
БИЗ КЪАЛЛАЙ БИРБИЗ? КЪАЙДА ДЖАШАЙБЫЗ?
|
Продолжение следует...
|
|
|
|
|
|
[b:57f3aba404]Фортуна Фиделя)))[/b:57f3aba404], [b:57f3aba404]Chagarov.[/b:57f3aba404],
Спасибо, за отзывы)), все для Вас)))
Продолжение следует...
|
|
|
|
|
) Адам хурджунунда неллей бир ачхасы болгъанына кёре сатыу этгенча, миллет да кесини адам санына кёре атлайды джашауда. Адам саныбызны кескин билмесек, этер ишибизни этмей, этелмез ишледе уа "батылыб" къалыргъа да боллукъбуз.
Сёзсюз да, миллионла бла санлары болгъан миллетлени болумлары, халлары, атламлары да аннга кёреди. Бизни миллетни саны бир заманлада да джетген болмаз 1 млннга. Алай а дин, тин эмда турмуш байлыгъыбызгъа кёре оюм этсек, эшта, 500 мингнге джете да, азая тургъанбыз.
Быллай санла не иги, не да аман тюлдюле - миллетни санына багъа бериб сёлешиу да дурус тюлдю - бары барычады.
Хар миллетни да бир баш мураты барды - бу дунияда джокъ болуб къалмай, кечинмек этиудю (къуртну, къамыжакъны да баш мураты олду|
Дагъыда...
Белгилисича, къайсы къралда да СТАТИСТИКА ол илму тюлдю, тергеу инструмент тюлдю - политиканы , кърал политиканы бир чархыды, лагъымыды.
Сайлауланы эсеблерин бир кюнню ичине чыгъарадыла да, переписьни санын а сау джылны "тюзетедиле"(((
|
|
|
|
|
|
||||
|
|
|
|||
Читают тему (гостей: 2)