- Джырчы ёлсе, джыры къалыр.
- Байлыкъ адамны сокъур этер.
- Башы ишлегенни, ауузу да ишлер.
- Джарлы тюеге минсе да, ит къабар.
- Ёнгкюч къууана барыр, джылай келир.
- Уллу айтханны этмеген – уллаймаз.
- Накъырда – кертини келечиси.
- Уруну арты – къуру.
- Къатын байлыкъны сюер, эр саулукъну сюер.
- Джолда аягъынга сакъ бол, ушакъда тилинге сакъ бол.
- Телиге от эт десенг, юйюнге от салыр.
- Адам къаллай бир ишленмесе, аллай бир кесин уллу кёреди.
- Чакъырылмагъан къонакъ – орунсуз.
- Таш бла ургъанны, аш бла ур.
- Нёгерсизни джолу узун.
- Кийимни бичсенг, кенг бич, тар этген къыйын тюлдю.
- Байны оноуу, джарлыгъа джарамаз.
- Дуния мал дунияда къалады.
- Ачыкъ джюрекге джол – ачыкъ.
- Аш берме да, къаш бер.
- Кёб джашагъан – кёб билир.
- Шайтан алдады, тюзлюк къаргъады.
- Тил – миллетни джаны.
- Тили узунну, намысы – къысха.
- Джерни букъусу кёкге къонмаз.
- Кийим тукъум сордурур.
- Элни кючю – эмеген.
- Таякъ этден ётер, тил сюекден ётер.
- Ашыкъгъанны этеги бутуна чырмалыр.
- Арба аугъандан сора, джол кёргюзтюучю кёб болур.
- Арыгъан къош чамчы болур.
- Тойгъандан сора, ашны сёкме.
- Термилгенинги табмазса, кюлгенинге тюберсе.
- Уллу къазанда бишген эт, чий къалмаз.
- Кюлме джашха – келир башха.
- Душманны тышы – акъ, ичи – къара.
- Экеу тутушса, биреу джыгъылыр.
- Тыш элде солтан болгъандан эсе, кесинги элде олтан болгъан игиди!
- Ашхы атаны – джашы ашхы, ашхы ананы – къызы ашхы.
- Ишленмеклик адамлыкъды.
- Тюзню ётмеги тюзде къалса да, тас болмаз.
- Ариу сёз аурууунгу алыр.
- Тойгъа алгъа да барма, тойда артха да къалма.
- Гугурук къычырмаса да, тангны атары къалмаз.
- Ишлерге уял да, ашаргъа табма.
- Тёрдеги кюлсе, эшикдеги ышарыр.
- Насыб бютеу халкъны юлюшюдю.
- Акъдан къара болмаз.
- Тамбла алтындан бюгюн багъыр ашхы.
- Айран ичген – къутулду, джугъусун джалагъан – тутулду.
Ислам...архитектура...поэзия...живопись...каллиграфия.
Читают тему (гостей: 1)